Genesis 13:8 - God Vonana Vovokaravina

⁸ Vaghina ma Abram, Lot ivonei bo, “Tota na rakaraka sago. Tuna kubiine ke vaghina da tam ma taku kamoputiyai vikawapata ina makai. Ke ita biibai da am bigabiga ma aku bigabiga weni nakanani ini kawapata.

Genesis 13:8 Referans Kwoze

Apasol 7:26

Mara itom na Israel tomowa sago kwinana yavata ivivi ruwa ma Moses inekiibau. Ibera tovoni da i viruwa ita voterei ma iti nuwasago. Ivonesi bo, ‘Tami vivaresina koakovi bo kegha, ma avi kubiine koiruwa?’

2 Pita 1:7

Ma ku tepana na God ina kayowanai komakai. Ma ku tepana na ami agabiibai Keresiyana turaturami kurisi koni debei. Ma bade ku tepana na kovi nuwaviinavivirana.

1 Pita 4:8

Ma bera ghamanakina na weni, nuwanuwami kudubinai turaturami yavata kovi nuwaviinavivirana, iyamna nuwaviina ina rewapana irakata da berabero ighekuyowei.

1 Pita 3:8

Ma vaghina, kudubimi kami sisiya na weni. Kovi nuwasago, turaturami kovi kamyuyuwesi ma kovi nuwaviinavivirana. Kotereoruwe meyemi da ami bera kudubina na ere voyaghotimi ma wawaya kurisi ami agabiibai kovi debei.

Rome 12:10

Keresiyana turaturami yavata kovi nuwaviinavivirana. Ma nuwanuwami esabibira da mara nonowa turaturami kona vopepetisi.

Genesis 45:24

Ivovunagha ikovi na varevaresina ivomiiri, ivonatawesi inenae na ivonesi bo, “Ketiyai kona nenae na ke koni kawapata.”

1 Jon 4:7

Turaturaku, tami nuwanuwaku. Tinuwaviinavivirana iyamna God na nuwaviina karena. Meni wawayina inuwaviina na God iakovi ma ivi debei da tuna na God natuna.

1 Pita 2:17

Wawaya peyarisi kovopepetisi. Keresiyana turaturami yavata kovi nuwaviinavivirana. God kovokaravei ma kiivavo ghamana ami dobuwai kovopepetei.

1 Pita 1:22

Tami namada vonavaghata kovovotekatekei da nuwanuwami na yagharisi, tuna kubiine namada nuwanuwami kudubinai Keresiyana turaturami yavata koinuwaviinavivirana. Ma ainowi kurimi da ami nuwaviina ina rakata kamowa,

Hibru 13:1

Keresiyana turaturami yavata koinuwaviinavivirana na ke kona voterei.

Hibru 12:14

Kobera tovoni da wawaya kudubisi yavata ere nuwanubami kona makamakai bubuna. Ma koekwa da ami yawasa na maninina ma vovokaravina kavakava, iyamna iyavo kava ke vovokaravimi na Bada ke kona kitai.

1 Tesalonika 4:9

Ma ke kana giruma kurimi da koti nuwaviinavivirana, iyamna namada Keresiyana turaturami yavata koberaberai. Namada God ivi beyebeyemi da kamomiyai koti nuwaviina ma koti nuwasago.

Pilipai 2:14

Bera kudubina kona beraberai na ke koni ruwa ma ke kona vonavikoni.

Matiu 5:9

Iyavo kava wawaya i vikawapata erarayaragha bo wawaya ivitesi da viruwa evovoterei na God ini biibiinisi ma ina vonesi da ti na natunatuna.

Genesis 13:9

Kekitai, dobu irakata. Kade kovokovowina bo kegha da kati bogebogeta? Meni tanona kuna kayokayowei na keviiya. Ma meni tuna kuna vovoterei na taku ana viiya. Ku katagheyam kuna nenae na taku ku dugem ana nae. Ma ku dugem kuna nenae na taku ku katagheyam ana nae.”

Genesis 46:34

Ma tami na weni nakanani kovonei, ‘Tokai am bigabiga na gisigisikiiyai ghamoghamo vikam kavi karei. Nakanani akii mami mau da doboro mau ivivi kam.’ Nakanani kona vonapotei na ini vaghinei da Gosen dobunai kona makai, iyamna Egypt damsi na sipu kii koyakoyagha ke ita kayokayowesi.”

Genesis 14:14

Abram sisiya ivi yanei da natuna kikei ipaniya na iyavo kava i bigabiga wawayisi kamosiyai ghaviya kana keta iakovi na ikwaturiyariyesi. Tomotomowa ivi 318 ipisi, viya na Abram ina rakaraka kamonai itupuwa ma imagura. Vaghina ma ivomiiri da nani kiikiivavosi ruwamaruwa iverukivinisi inae da ku dobu kana vava Dan inekiibau.