Genesis 10:1 - God Vonana Vovokaravina

¹ Weni tuna na Nowa natunatuna Sem, Ham ma Jepeta i varagutugutu. Kutukutuva murinai ivi tuwa da kii vava na weni.

Genesis 10:1 Referans Kwoze

Genesis 9:7

Ma vaghina, tami na kovi tuwa kirakai da kona peyari da rakarakami dobu ina makii yavui.”

Genesis 9:1

God, Nowa natunatuna yavata ivi biibiinisi ma ivonesi bo, “Kovi tuwa kirakai da kona peyari da rakarakami dobu ina makii yavui.

Genesis 2:4

Kunuma ma dobu varagutugutuna ma ikikava Bada God iyamoni na weni. Kunuma ma dobu iyamoyamoni,

Matiu 1:1

Kimta ma kimta kamonai na Yesu Keriso ina kaekiki mau kii vava girumina na weni. Yesu na Kiivavo David tupurereghina, ma David na Abraham tupurereghina.

Genesis 9:19

Weni tomotomowisi ivi aroba tupurereghisi na tota, wawaya kudubita karako dobuwai.

Genesis 6:9

Weni tuna na Nowa ina varagutugutu. Tuna ina mariyai wawaya kudubisi na beroberosi. Ma Nowa ina kina kava na tomowa maninina. Ma ina yawasa kamonai God yavata ivivi nuwasago ma yavata ibababa.

Genesis 5:1

Weni girumina na Adam, tupurereghina yavata ikikava ivi tuwa ma kii vava itura. Karenai na God wawaya iyamonisi da tuna mani maghimaghighina.

Genesis 5:32

Nowa imakai da kana madegha 500 ma nani kamonai natunatuna tomotomowa aroba itupuwa. Kii vava Sem, Ham ma Jepeta.

Genesis 9:29

Kana madegha 950 ma irabobo.

Genesis 10:2

Jepeta natunatuna na Goma, Magogi, Madai, Javan, Tubal, Meseki ma Tiras.