Genesis 1:28 - God Vonana Vovokaravina

²⁸ Ivi biibiinisi ma ivona bo, “Kovi tuwa da tupurereghimi ina peyari. Dobu kovi tupoi ma kovi badei. Ghamoghamo ma bera kudubina dobuwai idagudagu na kovi badesi, iyana yegiyai ma kiu kiidamowai yavata.”

Genesis 1:28 Referans Kwoze

Genesis 9:1

God, Nowa natunatuna yavata ivi biibiinisi ma ivonesi bo, “Kovi tuwa kirakai da kona peyari da rakarakami dobu ina makii yavui.

Genesis 9:7

Ma vaghina, tami na kovi tuwa kirakai da kona peyari da rakarakami dobu ina makii yavui.”

Genesis 1:22

Ma ivi biibiinisi ma ivona bo, “Kovi tuwa kirakai da kona peyari. Iyana, yegai da okowa kovi tupoi. Kiu, kovi tuwa da kona peyari dobuwai.”

Genesis 17:20

Ma Ismayel kubiine na am vinowi avi yanei da ani biibiini ma natunatuna ina peyari ma tupurereghina ina rakata da ini dam ghamana. Ma tuna na kiikiivavo ivi 12 i mamai.

Genesis 8:17

Ma bade ghamoghamo waka kamonai, kiu, ghamoghamo manamisi, siya dipa ma dowatetetesi na peyarina kerutinakiibuwesi. Ina kiibau da ini tuwa ma ina peyari kirakai dobuwai.”

Genesis 26:24

Inekiibau ma nani didibarinai Bada irumatara kurina ma ivona bo, “Namada avonakiiyapa aku bigabiga Abraham kurina da tupurereghimi ina rakata, tuna kubiine ani biibiinim ma ana berai da nakanani ina tupuwa. Taku na am mamai Abraham ina God. Taku gwabimuwai, tuna kubiine ke kuna yabumana.”

Genesis 17:16

Kawam ani biibiini da natum tomowa ini tuwei. Ani biibiini da dam ipeyari ina vona da i maduwa na kawam. Ma tupurereghina kamosiyai na kiikiivavo ina miirikiibau.”

Genesis 49:25

Iyamna am mamai ina God ini vitem, God Rewapana Kirakiina ini biibiinim. Kunuma da dobu kana vibiibiina ina verem ma tupurereghim ini biibiinisi da ini tuwa ma ini susu bubuna.

Genesis 33:5

Vaghina ma Iso itepa ma ikitavirevire da wivine ma ededa yoghoyogho ikitisi ma ivi tarakiiyana bo, “Weni wawayisi na iyavo?” Ma Jeikap ivonapotei bo, “God ina agabiibai irakata kirakai da weni wawayisi ivereku.”

Genesis 24:60

Ivomiiri da ita nae ma Rebeka ina rakaraka ivonakiiyaragha kurina bo, “Novukai, kevi tuwa kirakai da natunatum ina peyari. Tupurereghim ini rewapana kirakai ma kii ghavighaviya ina ghegavovorisi da i kwanatu ini rapenei.”

1 Timoti 4:3

Ma bade sisiya bagibagisi etereterei da wawaya ke ina tavine ma vavai ma siya voviyavina kava ina kani. Ma kegha da God vavai ma siya kudubina iyamoni da iyavo kava itumaghanei ma vonavaghata iakovi na ere nipowanisi ini kiikiiwa ma ina kam.

Genesis 5:2

Iyamonisi da tomowa ma wavine, ivi biibiinisi ma ivi vavesi “wawaya.”

Genesis 6:1

Wawaya ivi karei da i koroto irakarakata dobuwai. Natunatusi ituputupuwa da kamosiyai viya na wivine.