Epesas 5:21 - God Vonana Vovokaravina

²¹ Turaturami kona votekatekesi ma bade ina votekatekemi, tuna ini matakira da Keriso kovovopepetei.

Epesas 5:21 Referans Kwoze

Pilipai 2:3

Aviyavisina kona beraberai na ke meyani kayotata notana bo nota meyena ini bademi. Ma mara nonowa kovokuwaya meyemi ma konotai da turaturami na ighekuyowemi.

Epesas 5:24

Ikikava ekalesiya Keriso evovotekatekei, nakanani tami wivinemi na kakawami i kayowana kona berai.

Epesas 5:22

Wivine, ikikava Bada kovovopepetei na bade nakanani kakawami kovopepetisi.

1 Pita 5:5

Tami yaraga, kudubimi na kovi vaghinei da kami vinoraveraveyana ini bademi ma kovotekatekesi. Ma tami iyavo kava koitumaghana na peyarimi ere voyaghotimi turaturami kubiisi kona biga, iyamna “God na kayotatasi emiimiiripotesi ma vovoyaghotisi na ina agabiibai evereveresi.”

Hibru 13:17

Ami babada kovotekatekesi ma i rewapana gaburinai komakii bubuna, iyamna kanuma ina ku nevaneva ekoyakoyaghimi ma iakovi da mara sago God kurina ini debei da i biga ibera bubuni bo kegha. Kovotekatekesi da i biga nuwabiibiiyai ina berai ma nuwapoya ke kona veresi, iyamna tuna ke ini vite tovonimi.

1 Pita 2:17

Wawaya peyarisi kovopepetisi. Keresiyana turaturami yavata kovi nuwaviinavivirana. God kovokaravei ma kiivavo ghamana ami dobuwai kovopepetei.

1 Timoti 3:4

Kawana ma natunatuna ina koyagha bubunisi, ma bade natunatuna na vovopepetisi ma vovotekatekasi,

Gareisiya 5:13

Ma tami, varevaresiku, God ikwatumi da vovotawemi kota makai. Ma weni votawena ke taraboga ita vereveremi da tupuwa ina kayowana beroberosi ini bademi da bera dowadowasi kona berai. Kegha, ami nuwaviina ini bademi da koni vowaguvivirana.

1 Timoti 2:11

Ma wivine kurisi kuni beyebeyena na ini yanota ma ina vopepeta.

1 Korint 16:16

da wawaya weni nakanani na i vibadana kokivini ma iyavo kava yavata ebigabiga bade kovopepetisi.

1 Pita 2:13

Bada ina kayowana da babada peyarisi ma kiivavo ghamana ami dobuwai kona votekatekesi.

2 Korint 7:1

Turaturaku, tami nuwanuwaku. God namada weni vonakiiyapisi bagibagisi iterei kurita. Tuna kubiine aviyavisina kudubina tupuwita ma kanumita idadabui na takowatawei. Ma ita yawasa tavirai da biibiina kavakava, taberai da vovokaravita, iyamna God tayabuyabumanei.

Genesis 16:9

Ma Bada ina aneya ivonei bo, “Kevovirame am bada wavinena kurina ma kevotekatekei.”

2 Korint 5:11

Bada tayabumanei ma tavokaravei iyamna takovi da ita miiya ina vereta. Tuna kubiine wawaya mara nonowa kavonavonesi da tuna kava ini tumaghanei. God iakova kirakiiyekai da maninikai ma akayokayowei da tami bade nuwanuwami kamonai nakanani konakovikai.