Epesas 4:21 - God Vonana Vovokaravina

²¹ Yesu varana kovi yanei ma tami kana kivikivina kubiine ina vonavaghata ivi beyebeyemi.

Epesas 4:21 Referans Kwoze

1 Jon 5:20

Bade takovi da God Natuna ipisi na akova ivereta da God vaghata akovina taviiya. Ma Natuna Yesu Keriso yavata tinuwasago, tuna kubiine God yavata tinuwasago. Tuna kava na God vaghata ma yawasa makamakii nonowina everevereta.

Epesas 1:13

Ma tami yavata vonavaghata kovi yanei ma kovi tumaghanei na God iberimi da ina wawaya ma yawasa makamakii nonowina iveremi. Nani vonavaghatina na Keriso Varana Biibiina. Keriso kovi tumaghanei na God ina vonakiiyapa bagibagina inunuri da Kanuma Vovokaravina iveremi, ivi matakira da tami rapenai.

Kolosei 2:7

Ma Keriso tepanai kona miirikikina ma kona gogo. Ma vonavaghata kavi beyebeyemi na tuna tepanai ami vitumaghana ina rakata. Ma mara nonowa God kurina kona vivikiikiiwa.

Jon 14:17

Wawayina na Kanuma Vovokaravina ma mara nonowa vonavaghata ina vividebei kurimi. Ma iyavo kava dobuwai ke ita vivitumaghaneku na ke kovokovoghina da Kanuma Vovokaravina ina viiya, iyamna ke itekwekwai ma eveyaveyiyei. Ma tami na namada wawayina koakovi iyamna kamomiyai emakamakai ma bade karakava gwabimiyai ina runuma.”

2 Korint 11:10

Keriso ina vonavaghata mara nonowa gwabikuwai. Ma tuna tepanai avonavona da ke meni wawayina Akeya dobuna kamonai ina vonataniku da aku kayotata ana voterei. Mara nonowa wawaya avonavonesi da adimadima kurimi na ke koti miiyeku.

2 Korint 1:20

Ma ina vonakiiyapa bagibagisi iterei na kudubisi Keriso tepanai ibera yavui. Tuna kubiine Yesu Keriso avanai tavonavona bo, ‘Amen’ maranai God tavovokavakavari.

Jon 14:6

Ma Yesu ivonapotei bo, “Vaghina ketana na taku. Taku na keta, ma taku na vonavaghata, ma taku na yawasa. Taku tepakuwai da wawaya aku Mamai kurina ina nae, ke sago keta kana viruwa ita makamakai.

Jon 10:27

Aku sipu na akovisi. Gamoku iyanei ma ekivikiviniku.

Jon 1:17

Vonaviyoyovana na God ivi damani Moses kurina da iti debei wawaya kurisi. Ma agabiibai ma vonavaghata na Yesu Keriso gwabinai ipisi.

Luk 10:16

Ma kana kivikivina ivonesi bo, “Iyavo kava ini yanemi na taku yavata iyaneku. Ma iyavo kava ina baremi na taku yavata ibareku. Ma iyavo kava ina bareku na wawayina ivonataweku na tuna yavata ibarei.”

Matiu 17:5

Ivivi sisiya kamonai na kwavu ere yaseganina inekiibau da isovomumusi. Ma gamo kwavu kamonai ivona bo, “Wena natuku, tuna nuwanuwaku ma ainuwabiibiiyei. Ina sisiya kovi yana bogai.”

Rome 10:14

Wawaya Bada ke ita vivitumaghanei na ikikava ini kwatu kurina? Ma Bada varana ke iti yanei na bade ikikava da ini tumaghanei? Ma wawaya ke ita dima kurisi na ikikava varana ini yanei ma akovina ina viiya?

Epesas 2:17

Ipisi da nuwanuba varana biibiina idimei kurita. Rorova tami kupuna dami na ke sago God akovina kota viiya da konetaweyana ma kurimi idimei. Ma tokai Jiu damkai namada God akovina gisina kaviiya da ke kata netaweyana ma bade kurikai idimei.

Kolosei 1:5

Koitumaghana ma koinuwaviina, iyamna nota rewapana gwabimiyai da aviyavisina biibiina kunumai God ivovunagha kubiimi na mara sago kona viiya. Varana biibiina ina vonavaghata namada kovi yanei na tuna nani nota rewapanina iveremi.

Kolosei 1:6

Tuna God ina agabiibai akovina ivi debei kurimi ma patana da varana kamomiyai erakarakata ma amena etereterei. Ma ikikava itupuwa kurimi na nakanani dobu ku kudubina kamonai etuputupuwa.