Apasol 9:6 - God Vonana Vovokaravina

⁶ Kevomiiri ma kuna rui ku kwanatu ma nani dobunai wawaya ina vonem da aviyavisina kuna berai.”

Apasol 9:6 Referans Kwoze

Apasol 22:10

Ma avonapotei bo, ‘Bada, aviyavisina ana berai?’ Ma Bada ivoneku bo, ‘Kevomiiri ma kerui ku Damaskas ma nani dobunai wawaya ina vonem da aviyavisina kuna berai.’

Apasol 26:16

Kevomiiri. Avinem da tam aku bigabiga ma vimamatara wawayim, tuna kubiine arumatara kurim. Wawaya kuna vonesi da karako kukitiku, ma bade mara muriyai ana rumatarame kurim na kuni mamatarei.

Pilipai 2:12

Turaturaku, tami nuwanuwaku. Rorova taku gwabimiyai na mara nonowa kovovotekatekeku. Ma karako na taku ke gwabimiyai, tuna kubiine Keriso notanai kovotekateka kamowa. Ma ami yawasa kamonai na ere yabuyabumanimi ma ere kirokiroromi koni paparana kirakai da God kona votekatekei na koni matakira da namada ivi yawasimi,

Rome 10:20

Ma bade Aisaya ere tepatorana igiruma da God ivona bo, “Wawaya ke itekwekwiku ma kegha da ipananiku, wawaya ke ita vivitarakiiyaneku ma kegha da anekiibau kurisi.”

Rome 10:3

Ti na ke damisi ita viivii kiimatani da ikikava God wawaya etitinariyisi ma evonavonesi da ti na ina wawaya maninisi. Ti mani enotanota meyesi da aviyavisina eberaberai na tuna ketanai God ita vona da ti na ina wawaya maninisi. Tuna kubiine God ina keta vaghata na ibarei, ke ita votekatekei.

Rome 7:9

Rorova na vonaviyoyovana ke atakovi na anotanotai da taku yawayawasiku. Ma vonaviyoyovana akovina aviiya na aku berabero irumatara ma akovi da taku na raboraboboku.

Rome 5:20

Vonaviyoyovana ivokiibuwei na ivi beyeta da tota na berabero wawayita. Ma maranai wawaya i berabero erakarakata na God ina agabiibai bade erakarakata kamowa.

Apasol 10:32

Am bigabiga kevonatawesi ku Jopa da tomowa kana vava Saimon Pita ina rutinapiyei. Tuna inumataya da ina varigheya Saimon yavata emakamakai. Saimon ina biga na ghamoghamo bekasi igimara ma ina numa na kikirai.’

Apasol 10:22

Tomotomowisi ivonapotei bo, “Senturiyon Koneriyas ivonatawekai. Tuna tomowa maninina ma God evovokaravei. Bade Jiu damsi peyarisi i vigheghena. Ma aneya vovokaravina ivi sisiya Koneriyas kurina, ivonei da kuta nae ina ku numa ma kuti sisiya kurina.”

Apasol 10:6

Tuna inumataya da ina varigheya Saimon yavata emakamakai. Saimon ina biga na ghamoghamo bekasi igimara ma ina numa na kikirai.”

Apasol 2:37

Nani korotona ghamana weni sisiyina ivi yanei na nuwanuwasi itonai da Pita ma aposol kurisi ivona bo, “Varevaresikai, aviyavisina kana berai?”

Luk 3:10

Ma wawaya viya koroto kamonai ivi tarakiiyanei bo, “Kevonekai, aviyavisina kana berai?”

Matiu 19:30

Ma wawaya viya wekarakava inao na karakava ini muri. Ma wawaya viya wekarakava imuri na ini nao.”

Jemes 4:6

Ma kegha da God ina agabiibai everevereta na ivi rewapana kirakai. Giruma katamana ivona bo, “God wawaya kayotatasi na emiimiiripotesi, ma wawaya vovokuwayisi na ina agabiibai evereveresi.”

Apasol 9:5

Ma Sol ivona bo, “Bada, tam iyai?” Ma ivonapotei bo, “Taku Yesu. Taku kitupaketowaneku.