Apasol 9:42 - God Vonana Vovokaravina

⁴² Weni berana sisiyina irakata da Jopa kwanatuna ikiimumui na wawaya ipeyari Bada ivi tumaghanei.

Apasol 9:42 Referans Kwoze

Apasol 9:35

Ma Laida ma Seron kwanatusi kamonai wawaya peyarisi ikitai da Aineyas ibababa na Bada ivi tumaghanei.

Jon 12:11

iyamna aviyavisina itupuwa Lasaras kurina iberai da wawaya peyarisi Yesu ivivi tumaghanei ma taparoro babadisi ivovoteresi.

Jon 11:45

Iyavo kava ipisi da Meri irurugenari na ikitai da Yesu bera ghamana iberai na peyarisi ivi tumaghanei da tuna na God ina Vivinevine Wawayina.

Apasol 11:21

Ma God ina rewapana gwabisiyai da koroto ghamana Bada ivi tumaghanei ma ikivini.

Jon 12:44

Yesu gamo tepanai ivi sisiya, koroto ghamana ivonesi bo, “Wawaya iyi itumaghaneku na ke taku kava ita vivitumaghaneku ma wawayina ivonataweku na tuna yavata.

Jon 11:4

Ma Yesu weni sisiyina ivi yanei na ivona bo, “Weni gubagina ina damona na ke rabobo. Gubagina itupuwa da God kana kadara ini debei. Ma bade itupuwa da taku God Natuna kaku kadara ina rakata.”

Apasol 9:36

Ma vitumaghana wavinena sago Jopa kwanatuna kamonai kana vava Tabita (vavana Grik gamosiyai na Dokas). Tuna mara nonowa bera biibiisi iberaberai ma moyamoyakisi ivivi vitesi.

Apasol 9:38

Ma vitumaghana damsi Jopa kamonai ivi yanei da Pita tuna Laida kamonai, ma ke ita rabaraba, tuna kubiine tomotomowa ruwa ivonatawesi inae kurina. Ma ivi nowi, ivona bo, “Kakayokayowei da wekarakava tanae ku Jopa.”

Apasol 9:43

Ma Pita tomowa sago kana vava Saimon, yavata imakii kirakai Jopa kamonai. Ma Saimon ina biga na ghamoghamo bekasi ivivi gimagimara.

Apasol 10:5

Tuna kubiine am bigabiga kevonatawesi ku Jopa kwanatuna da tomowa kana vava Saimon Pita ina rutinapiyei.

Apasol 10:8

Aviyavisina peyarina Koneriyas kurina itupuwa na ivi mamataresi. Ma ivonatawesi inae ku Jopa.

Apasol 11:5

Ivona bo, “Jopa kamonai aniponipowana da nuwanuwaku iwapewapei na kunumai sawara sago iororu akitai, kitana da kwarewa ghamana ma matatupina ruwamaruwa uraviyai itinatatani ma ivi yoyowi ioru kuriku.

Apasol 11:13

Ma Koneriyas ivonekai da ina numiiyai aneya inekiibau kurina ma ivonei bo, ‘Am bigabiga kevonatawesi ku Jopa da tomowa kana vava Saimon Pita ina rutini.