Apasol 9:4 - God Vonana Vovokaravina

⁴ Ipeku ku dowa ma wawaya gamona ivi yanei, ivona bo, “Sol, Sol, avi kubiine kitupaketowaneku?”

Apasol 9:4 Referans Kwoze

1 Korint 12:12

Wawaya tupuwina sago kava ma kegha da nani kamonai biga bogii ma bogiiyai eberaberai. Namanaki wawaya matana, kaena, imana bo tinina, ti na bogii ma bogiiyai, ma peyarisi na tupuwa sago kava kamonai. Ma Keriso na nakanani.

Rome 11:22

Kevi nuwanotanota da God na agabiibai wawayina ma bade wawaya bagibagina. Wawaya God ikawakiikiiyei na ti damsi kurisi nuwanuwana ipughu. Ma tam mara nonowa ina agabiibai kuni tumaghanei na nani agabiibiina kuna kita nonowei. Ma mikeda ina agabiibai kuna barei, tam bade ina kiiyaraghatawem.

Genesis 22:11

Ma kegha, kunumai Bada ina aneya irukwatu kurina, “Abraham, Abraham!” Ma Abraham ivonapotei bo, “Taku weni.”

Genesis 16:8

Ivona bo, “Heiga, tam Serai ina bigabiga wavinem, mimei kupisi ma mike kenenae?” Ma ivonapotei bo, “Aku bada wavinena ivivi tupaketowaneku na averau.”

Epesas 5:30

iyamna tota na tupuwina kamonai.

1 Korint 4:7

Tami sago sago duma iyi iterem da kuna kayotata? Avi kubiine kigheghena meyem da nakanani ma tam mani am rewapanai bera ghamaghamasi kuta beraberai? Bera peyarina gwabimuwai na Bada iverem.

Jon 21:15

Yesu kana kivikivina yavata ikam ikovi na Saimon Pita ivonei bo, “Saimon, tam Jon natuna, vonavaghata da nuwanuwaku kuviiya, bo? Am nuwaviina kuriku irakata, ke nakanani ma weni damsi, bo?” Ma Saimon ivonapotei bo, “E, Bada, vonavaghata. Kuakoviku da taku nuwanuwam aviiya.” Ma Yesu ivona bo, “Tuna kubiine aku sipu gegeyisi kevi kanisi.”

Matiu 25:40

Ma kiivavo ina vonapotesi bo, ‘Vonavaghata avonavonemi, wawayota vivikamyuyuwina na nakanani ma varesiku. Ma aviyavisina kurina koberai na nakanani ma taku kuriku kota berai.’ ”

Genesis 3:9

Ma kegha, Bada God tomowina kurina ivi kwatu, “Adam, tam imapatana?”

Jon 20:16

Ma Yesu ivona bo, “Meri.” Meri imiiritavire ma Hibru gamosiyai ivona bo, “Rabboni.” Weni sisiyina iyamna, “Aku vibeyebeyena wawayim.”

Jon 18:6

Maranai Yesu ivona bo, “Vaghina wawayina na taku” na damsi murimuriyai iririgha ku dowa.

Luk 10:41

Ma Bada ivonapotei bo, “Mata, Mata. Kegiyagiyaguwa ma bera peyarina kinuwapoya kirakiiyei.

Apasol 5:10

Ma yaghiyaghinai wavinena Pita maghinonai ipeku da irabobo. Ma yaraga irui ma ikitai da irabobo ma ikavarakiibuwei da kawana ririnai idogoi.

Apasol 9:5

Ma Sol ivona bo, “Bada, tam iyai?” Ma ivonapotei bo, “Taku Yesu. Taku kitupaketowaneku.