Apasol 9:22 - God Vonana Vovokaravina

²² Ma kegha da Sol ina dima ivi rewapana kirakai da Jiu damsi Damaskas kamonai ke kovokovoghina da ita vonapotei. Ma vonavaghata ivi debei kurisi da Yesu na God ina Vivinevine Wawayina.

Apasol 9:22 Referans Kwoze

Apasol 18:5

Ma Sailas da Timoti Masedoniya dobuna ikiibutawei ma ipisi ku Korint. Nani maranai Pol yobe popo bigana ivoterei da mara nonowa God varana biibiina idimadimei Jiu damsi kurisi. Ma ivivi beyebeyena kurisi da Yesu na God ina Vivinevine Wawayina.

Luk 21:15

iyamna taku sisiya ma nuwagiura ana veremi da kami ghavighaviya ke ina ghetanimi.

1 Korint 1:27

Ma kegha da God wawaya neghaneghasi ivinesi da wawaya nuwanuwagiurisi itinimayamayisi ma wawaya makiiwapasi ivinesi da wawaya ghamaghamasi ma rewapanisi itinimayamayisi.

Apasol 28:23

Ma i mara sago iterei da Pol iti yanei. Nani maranai koroto ghamana iriyesi Pol ina ku numa. Mara boiboiyai Pol ivi karei da God ina vikiivavona ivi beyebeyena kupomei, Moses ma peroperoveta i giruma tepanai ivivi sisiya kurisi. Ina kayowana da nuwanuwasi ita tinavirai da Yesu iti tumaghanei.

Pilipai 4:13

Keriso ina rewapana ivereku da bera kudubina ana bera bubuni.

Apasol 17:3

Sisiya kiimatana ivi debei da giruma katamana kamonai vonaverena iterei da mara sago God ina Vivinevine Wawayina ita vokwarakwara ma ita rabobo ma bade rabobowai ita vomiiri. Ivonesi bo, “Weni wawayina Yesu aisisiyei kurimi, tuna na God ina Vivinevine Wawayina.”

Genesis 49:24

Taku Jeikap aku God Rewapana Kirakiina ina vowagum, Tuna na sipu kii koyakoyagha nakanani, tota Israel kata wakima rewapanina Tuna kubiine am yovu kuna vokikini da bagibagina, ma imam na rewapana makamakiina, ke ina mitamita.

Apasol 9:20

Ma maninina ivi karei da kiki numasiyai idimadima da Yesu na God Natuna.

Apasol 9:21

Ma iyavo kava ivi yanei na peyarisi ivi deyei ma ivona bo, “Wena vaghina tomowina Jerusalem kamonai wawaya Yesu kana vava ivovokavakavari na ivi kiivunuwana. Ma ipisi wike da vitumaghana damsi ita patumisi ma ita rutinisi taparoro babadisi i babada kurisi.”

Apasol 9:23

Imakai inene da Jiu damsi ivi ogatara da ita kiivunui,

Apasol 9:27

Ma Banabas ivi vitei da irutini inae aposol kurisi. Ivonesi da ikikava Sol ibaba inenae ma ketiyai Bada ikitai ma ivi sisiya kurina. Ma ivi mamataresi da Damaskas kamonai Sol ke ita yabumana da Yesu avanai idima.

Gareisiya 1:18

Madegha aroba ikovi ma anae ku Jerusalem da Pita yavata kati sisiya, ma yavata kamakai da taparoro ruwa ikovi.

1 Timoti 1:12

Ita Bada Yesu Keriso aikiikiiwei da aku biga kubiine rewapana ivereku. Ma aikiikiiwei da ivi tumaghaneku ma ivineku da kubiine ata biga.