Apasol 9:21 - God Vonana Vovokaravina

²¹ Ma iyavo kava ivi yanei na peyarisi ivi deyei ma ivona bo, “Wena vaghina tomowina Jerusalem kamonai wawaya Yesu kana vava ivovokavakavari na ivi kiivunuwana. Ma ipisi wike da vitumaghana damsi ita patumisi ma ita rutinisi taparoro babadisi i babada kurisi.”

Apasol 9:21 Referans Kwoze

Apasol 8:3

Ma Sol ivi karei da vitumaghana damsi ivivi tupaketowanesi. Numa nununai tomotomowa ma wivine ititinakwarokwarosi da ku gabura itereteresi.

2 Tesalonika 1:10

Bada ina mara ghamana ina nekiibau na ina wawaya vovokaravisi ini ghegheni da kana kadara ina rakata. Ma vitumaghana damsi kudubisi ina kitai ma ini deye kirakiiyei. Ma tami yavata nani korotona kamonai, iyamna aviyavisina kavi mamatarei kurimi na kovi tumaghanei.

1 Jon 3:1

Kovi yana, ita Mamai God ina nuwaviina irakata kirakai da ivoneta da tota natunatuna. Vonavaghata da tota na God natunatuna. Tuna kubiine iyavo kava dobu yawasina kamonai emakamakai na ke itakovi da tota nakanani, iyamna ti damsi na God ke itakovi.

Apasol 4:13

Ma babada Sanhidran dughuna kamonai ikitai da Pita da Jon i nota ivi rewapana kirakai ma iakovi da ti na ke girugirumisi ma wawayota na ivi deyesi. Ma nota iviiya da ti na Yesu yavata ibababa.

Apasol 3:10

na ivogiini. Iakovi da tuna digadigana mara nonowa matuketa kana vava ‘Kitana Biibiina’ ririnai imakamakai ma ivivi nowi. Wawaya ivi deyei ma inota kavakavai da aviyavisina itupuwa kurina.

Apasol 2:12

Jiu damsi ivi deyei ma inota kavakavai da ivona bo, “Weni tuna na bera avai?”

Apasol 2:6

Ma ti na nani gugurina ivi yanei na koroto ghamana iriyei. Ma ivi deyei da Pita turaturana yavata gamo bogii ma bogiiyai ivivi sisiya ma nani kamonai Jiu damsi sago sago duma ti mani gamosi ivivi yanei.

Apasol 7:59

Wakimiiyai iraravi na Sitivin inipowana bo, “Bada Yesu, kanumiku keviiya.”

Apasol 9:22

Ma kegha da Sol ina dima ivi rewapana kirakai da Jiu damsi Damaskas kamonai ke kovokovoghina da ita vonapotei. Ma vonavaghata ivi debei kurisi da Yesu na God ina Vivinevine Wawayina.