Apasol 9:10 - God Vonana Vovokaravina

¹⁰ Ma Damaskas kamonai Yesu kana kivikivina sago kana vava Ananayas. Ma Bada mekeyuna ikitai da ikwatukwatui bo, “Ananayas!” Ma ivona bo, “Kevona, Bada.”

Apasol 9:10 Referans Kwoze

Apasol 22:12

“Ma nani kwanatunai tomowa sago kana vava Ananayas ipisi da ita kitiku. Tuna wawaya maninina ma vonaviyoyovana peyarina inununura bubuni. Ma bade nani dobunai Jiu damsi kudubisi iakovi da tuna wawaya biibiina.

Apasol 10:3

Mara sago ravi madeghinai God ina aneya irumatara da matanai ikitai ipisi kurina. Ma ikwatui bo, “Koneriyas.”

Genesis 22:1

Mara sago God inae Abraham kurina da ita rubui. Ikwatu, ivona bo, “Abraham!” Ma ivonapotei bo, “Taku weni.”

Genesis 31:11

Ma aku matu kamonai na aneya ivi sisiya kuriku ivona bo, ‘Jeikap.’ Ma avonapotei bo, ‘Taku weni.’

Apasol 2:17

Igiruma da God ivona bo, ‘Mara ina riyariyatawei na Kanumiku ana vonatawei inoru wawaya kudubisi kurisi. Natunatumi tomotomowa ma wivine ini peroveta da sisiya gwabikuwai ina viiya ma ini debei. Ana berai da ami yaraga bera mekeyusi ina kita, ma ami dobodoboro ini matu.

Genesis 14:15

Ma Abram ina ghaviya wawayisi ivorereghisi da koroto bogii ma bogiiyai ma didibara rogunai iravisi da ighegavovorisi. Ma ikwavinisi da ku Hoba, Damaskas kwanatuna ku nevanevana.

Apasol 9:9

Matana ipota da mara aroba ikovi ma nani kamonai ke sago aviyavisina ita kani bo itumai.

Apasol 11:5

Ivona bo, “Jopa kamonai aniponipowana da nuwanuwaku iwapewapei na kunumai sawara sago iororu akitai, kitana da kwarewa ghamana ma matatupina ruwamaruwa uraviyai itinatatani ma ivi yoyowi ioru kuriku.

Apasol 12:9

Pita ikivini da gabura numana ikiibutawei, ma ke itakovi da aneya aviyavisina iberaberai kurina na bera vaghata, inotanotai da ita vivimatu.

Apasol 16:9

Ma nani didibarinai God Masedoniya tomowa mekeyuna ivonatawei Pol kurina. Ikita da tomowina imiimiiri ma kurina ivi nowi bo, “Pol, kedamana ku Masedoniya dobuna da kuni vitekai.”

Apasol 16:10

Pol nani mekeyuna ikitai ikovi na vaghina ma yaghiyaghinai akii sawara kayuna ma kavomiiri ku Masedoniya. Kanotanotai da God ikwatukai da varana biibiina nani damsi kurisi kata dimei.

Apasol 18:9

Didibara sago Bada ivi sisiya Pol kurina, ivonei bo, “Ke kuna yabumana da kuni kawapotapota. Am dima kevi marapatei.

2 Korint 11:32

Ma bade Damaskas kwanatuna kamonai, Kiivavo Aretas gaburinai, kwanatu badana ina seri wawayisi iteresi ipotapotiku da ita patumiku.

Gareisiya 1:17

ma bade ke ata nae ku Jerusalem da iyavo kava ivi nao ivi aposol na ata kitisi. Kegha, maninina anae ku Arebiya dobuna, ma muriyai na avovira ku Damaskas kwanatuna.

Apasol 9:12

Ma namada mekeyum avi debei kurina, ikitai da kuna nae kurina ma imam ku tepana kuna terei da matana ina kitame.”