Apasol 9:1 - God Vonana Vovokaravina

¹ Jerusalem kamonai na Sol patana da Bada kana kivikivina ivivi tupaketowanesi ma kii vikiivunuwana ivonavonei. Inae da taparoro badana ghamana kurina,

Apasol 9:1 Referans Kwoze

Apasol 8:3

Ma Sol ivi karei da vitumaghana damsi ivivi tupaketowanesi. Numa nununai tomotomowa ma wivine ititinakwarokwarosi da ku gabura itereteresi.

1 Timoti 1:13

Namanaki karenai avi avaberowei, akayoghakighakiyei, ma avi agaberowei, ma kegha da ivi kamyuyuweku, iyamna aku vitumaghana kegha da ke atakovi aviyavisina aberaberai.

Gareisiya 1:13

Wawaya ivonemi da rorova ikikava amakamakai na avere meyeku da Jiu damsi i vitumaghana ma i kiki akivina bubuni. Ma nuwanuwaku kudubinai Keresiyana wawayisi avivi tupaketowanesi ma abera tovoni da ati kovi tuwanonowisi.

1 Korint 15:9

Taku na aposol peyarisi gaburisiyai. Ma taku ke ata biibii kamowa da ati aposol iyamna God ina wawaya avivi tupaketowanesi.

Apasol 7:58

Itinakwarokwaroi da kwanatu ikiibutawei ma ivi karei da wakimiyai iraravi. Ma kii tarasovo ivi votaweyana da tomowa sago yaragina kana vava Sol maghinonai iribai.

Pilipai 3:6

Aku kayowana ghamanakina da God ati nuwabiibiini, tuna kubiine vitumaghana damsi avivi tupaketowanesi. Moses ina vonaviyoyovana kudubina akivina bubuni, abera tovoni da aku yawasa na maninina kavakava God ku matana.