Apasol 4:13 - God Vonana Vovokaravina

¹³ Ma babada Sanhidran dughuna kamonai ikitai da Pita da Jon i nota ivi rewapana kirakai ma iakovi da ti na ke girugirumisi ma wawayota na ivi deyesi. Ma nota iviiya da ti na Yesu yavata ibababa.

Apasol 4:13 Referans Kwoze

1 Korint 1:27

Ma kegha da God wawaya neghaneghasi ivinesi da wawaya nuwanuwagiurisi itinimayamayisi ma wawaya makiiwapasi ivinesi da wawaya ghamaghamasi ma rewapanisi itinimayamayisi.

Jon 7:15

Jiu babadisi ivi deyei ma ivi tarakiiyana bo, “Weni tomowina na ke ita giruma ma ikikava da iakova kirakai?”

Matiu 11:25

Nani maranai Yesu ivona bo, “Mamai, tam dobu ma kunuma kana kiivavo ma aigheghenim iyamna akova vaghata kuteregavui da wawaya nuwanuwagiurisi ma giruma kirakiisi ke itakovi. Ma iyavo kava ke girugirumisi ma ke akakovisi, ti nakanani ma ededa yoghoyogho na ti kurisi vonavaghata kuvi debei da iakovi.

Matiu 26:73

Ke mara gurina ma nani wawayisi baranai ivivi miiriyana ipisi Pita kurina ma ivonei bo, “Vonavaghata, tam ina wawaya sago ma bade am sisiya viyanina na Gariri damsi nakanani.”

Jon 7:49

Nani korotona na neghaneghasi, Moses ina vonaviyoyovana ke itakova bubuni, tuna kubiine God imagisi.”

Luk 22:8

Yesu kana kivikivina ruwa, Pita ma Jon ivonatawesi. Ivonesi bo, “Konae. Kona vovunagha da Pasova kamna kubiine.”

Matiu 26:71

Ma ikiibau gari ku matuketina ma bigabiga wavinena sago Pita ikitai ma wawaya viya ivivi miiriyana na kurisi ivona bo, “Weni tomowina na Yesu, Nasaret wawaya yavata ibababa.”

Jon 19:26

Ma Yesu ina maduwa ikitai ma kana kivikivina sago, tuna nuwanuwana ivii kirakiiyei na ina maduwa ririnai imiimiiri na ikitai. Ma Yesu ina maduwa kurina ivona bo, “Maduwa, weni tomowina kevi natunei.”

Apasol 4:14

Ma digadigana iyawasa na kamosiyai imiimiiri da matasiyai ikitakitai, tuna kubiine ke sago aviyavisina iti sisiyei

Apasol 4:19

Ma ivi ruwa ivonapotesi bo, “Nuwanuwami kovi tetei da meni tuna ibiibai God ku matana. Tami kana votekatekemi bo God kana votekatekei?

Apasol 4:29

Vaghina, Bada, ivonaviyabumanekai kubiine na rewapana keverakai da maghitepakai ina tora ma vonam kana dimei.

Apasol 4:31

Inipowana ikovi na meni gawarinai ivi kiidaburana na numana ivi nuke. Ma Kanuma Vovokaravina itowatepanisi da maghitepasi itora. Ma nani maranai ivi karei da ere tepatorasi God vonana idimadimei.

Apasol 9:27

Ma Banabas ivi vitei da irutini inae aposol kurisi. Ivonesi da ikikava Sol ibaba inenae ma ketiyai Bada ikitai ma ivi sisiya kurina. Ma ivi mamataresi da Damaskas kamonai Sol ke ita yabumana da Yesu avanai idima.

Apasol 9:28

Nani murinai Sol aposol yavata imakamakai ma ibababa Jerusalem kamonai. Ma ere tepatorana Bada avanai idimadima.

1 Korint 14:25

da ina nota gavugavusi iti debei. Iti tuwaporeruruwana ma God ita vokavakavari ma iti mamatara bo, “Vonavaghata God na weni, tami kamomiyai.”

2 Korint 3:12

Tuna kubiine weni notana ghamana kaviiya da ere tepatorakai kaisisiya.