Apasol 3:11 - God Vonana Vovokaravina

¹¹ Tomowina iyawasa na Pita da Jon ivi votatana ma yavata irui ku gawara kana vava Soromon Ina Tupatina. Ma kamonai wawaya ivi veraveruwana ipisi kurisi da tomowina ikitai ma ivi deye kirakiiyei.

Apasol 3:11 Referans Kwoze

Apasol 5:12

Apasol bera ghamaghamasi ma matakira peyarisi wawaya kamosiyai iberaberai. Ma mara nonowa vitumaghana damsi Soromon Ina Tupatina kamonai ivivi kiidaburana.

Jon 10:23

Nani maranai Yesu na Soromon Ina Tupatina kamonai ibababa, Taparoro Numana garina kamonai.

Luk 8:38

Ma nani tomowina iyawasa na ivi nowi da yavata ita geru ita nae. Ma Yesu ivi kegha ma ivonatawei ina ku dobu. Ivonei bo,

Apasol 2:6

Ma ti na nani gugurina ivi yanei na koroto ghamana iriyei. Ma ivi deyei da Pita turaturana yavata gamo bogii ma bogiiyai ivivi sisiya ma nani kamonai Jiu damsi sago sago duma ti mani gamosi ivivi yanei.

Luk 22:8

Yesu kana kivikivina ruwa, Pita ma Jon ivonatawesi. Ivonesi bo, “Konae. Kona vovunagha da Pasova kamna kubiine.”

Apasol 3:3

Maranai ikita da Pita ma Jon ita rui na ivi nowi kurisi mane kubiine.

Apasol 3:4

Ivi ruwa digadigana ikita bogai ma Pita ivona bo, “Kekitikai.”

Apasol 3:12

Pita ikitisi ma ivonesi bo, “Israel dami, avi kubiine kokitakita bogiikai? Avi kubiine koideyekai da nakanani ma tokai mani akii rewapanai weni tomowina kata berai da ita baba. God ku matana tokai na ke wawaya kiimatanikai da weni berana kata berai.