Apasol 3:1 - God Vonana Vovokaravina

¹ Mara sago ravi madeghinai Pita da Jon igheghae ku Taparoro Numana, nipowana kubiine.

Apasol 3:1 Referans Kwoze

Apasol 10:3

Mara sago ravi madeghinai God ina aneya irumatara da matanai ikitai ipisi kurina. Ma ikwatui bo, “Koneriyas.”

Apasol 4:13

Ma babada Sanhidran dughuna kamonai ikitai da Pita da Jon i nota ivi rewapana kirakai ma iakovi da ti na ke girugirumisi ma wawayota na ivi deyesi. Ma nota iviiya da ti na Yesu yavata ibababa.

Luk 1:10

Insens ikapukapuni na wawaya peyarisi Taparoro Numana matarai iniponipowana.

Apasol 5:25

Ma wawaya sago ipisi ma ivonesi bo, “Kovi yana, wawayisi ku gabura koteresi na Taparoro Numana garina kamonai emiimiiri ma wawaya kurisi ibeyebeyena.”

Luk 24:53

Nani murinai mara nonowa Taparoro Numana garina kamonai God ivivi kiikiiwei.

Apasol 8:14

Apasol Jerusalem kamonai ivi yanei da Sameriya damsi God vonana ivi tumaghanei na Pita da Jon ivonatawesi kurisi.

Apasol 2:46

Mara nonowa Taparoro Numana garina kamonai ivivi kiidaburana. Ma bade i numa kamosiyai, nuwabiibiiyai ma nuwanuwasi yagharinai ikamkam patapata ma nani kamonai parawa ivovogimai

Jon 21:7

Ma kana kivikivina sago Yesu nuwanuwana iviiviiya na tuna Pita kurina ivona bo, “Nokona Bada.” Ma Saimon Pita namada kupuna garana ivotawei ma maranai iakovi da Bada na yaghiyaghinai kupuna garana iviiya da ikotei ma ivi kapoka ku okowa ma iyeka ioru ku kikira.

Luk 22:8

Yesu kana kivikivina ruwa, Pita ma Jon ivonatawesi. Ivonesi bo, “Konae. Kona vovunagha da Pasova kamna kubiine.”

Matiu 26:37

Ma Yesu ita nae na Pita ma Zebedi natunatuna Jemes da Jon irutinisi da yavata inae. Ma damina iviiya da nuwanuwana kamonai ivisivisi ma nuwapoya ikiivunui.

Matiu 17:1

Mara miikovimasago murinai Yesu kana kivikivina aroba irutinisi, ti na Pita, Jemes ma Jon, tuna Jemes tina kikei. Koya ghamana igheni ma nani dobunai ti mani kava imakai.

Apasol 10:30

Ma Koneriyas ivonapotei bo, “Rorova ravi madeghinai aku numiiyai aniponipowana ma kadenima tomowa sago kana gara vovokeyakeyuna maghinokuwai ivi kiimiiriyei.

Gareisiya 2:9

Jemes, Pita ma Jon ti na Keresiyana damsi i babada ghamaghamasi Jerusalem kamonai. Ma ivi aroba ikitiku ma ivi vaghinei da God ina agabiibiiyai weni bigana ghamana ivereku. Vaghina, taku da Banabas ivi kiikiiwekai ma imakii iviiya, ivi matakira da peyarikai akii biga na sago. Ma kavi vaghinei da taku da Banabas na kupuna damsi kamosiyai kata biga, ma ti na Jiu damsi kamosiyai ita biga.

Matiu 27:45

Madegha punai dobu kudubina ivi nubakutuvi, ma nakanani imakai da ku ravi madegha.

Luk 18:10

“Tomotomowa ruwa inae ku Taparoro Numana, nipowana kubiine. Sago na Perisi tomowina ma kana viruwa na teks yuyuna tomowina.

Apasol 3:3

Maranai ikita da Pita ma Jon ita rui na ivi nowi kurisi mane kubiine.

Apasol 3:4

Ivi ruwa digadigana ikita bogai ma Pita ivona bo, “Kekitikai.”