Apasol 28:2 - God Vonana Vovokaravina

² Ma nuwa damsi ivi agabiibii kirakai da inepotekai ma keyama ikiiri iyamna garewa ikatukatuna da nuba irakata kirakai.

Apasol 28:2 Referans Kwoze

Hibru 13:2

Nuwanuwami ke ina wapa da maranai dobu viruwa damsi ami ku dobu ina numataya na namanaki da ke kotakovisi ma kotinariyariyesi ami ku numa. Wawaya viya nakanani iberai ma ke itakovi da aneya itinariyesi da i ku numa.

Kolosei 3:11

Weni kamonai na kupuna damsi ma Jiu damsi na sago, iyavo kava ituvivira bo ke ita tuvivira na sago, dam makiiwapasi ma kayakayayisi, sleiv wawayisi bo vovotawesi ma peyarisi na sago. Bera ghamana na Keriso ma tuna na peyarita sago sago duma gwabitiyai emakamakai.

Rome 1:14

Taku aku biga God ivereku na Grik ma bade ke Grik damsi kamosiyai. Wawaya akakovisi ma bade wawaya neghaneghasi kamosiyai.

2 Korint 11:27

Taku abigabiga kirakai ma vita ghamana akavakavari. Mara ipeyari ke ata kenakena bubuna, kaku vavai kegha da vitonara ekarakariku, kaiyoku ekanakana ma kaku gara kegha da nuba evowavowiku.

Apasol 28:4

Ma nuwa damsi mota berona ikitai Pol imanai irororoke na ti mani kamosiyai ivona bo, “Agunai weni tomowina na kiivunuwa wawayina. Waka imonu ma ke ita rabobo ma wekarakava na mota berona ikani. Tuna na kana kovogha. Ita god ke ita kayokayowei da ina makai.”

1 Korint 14:11

Mikeda wawaya sago isisiya na sisiyina iyamna ke ata viiviiya, tuna na dobu viruwa wawaya kuriku, ma bade taku na nakanani kurina.

Matiu 10:42

Ma mikeda kaku kivikivina sago, kana vava ke ita rakata ma okowa nubanubana kava kuna verei, iyamna kuakovi da tuna na aku wawaya na vonavaghata avonavonem, God ini miiyem.”

Apasol 27:3

Mara itom na ku Saidon kwanatuna kawota ma senturiyon Jiuriyas ivi vaghinei da Pol ita nae turaturana ita kitisi da ina kayowana avai na iti vitei.

Rome 2:27

Tam Jiu wawayim na kwimata bekam ituviviratawei ma vonaviyoyovana na tam kubiim igirumi, ma kegha da kikiigiiyei. Tuna kubiine kupuna damsi viya ke ita tuvivira ma vonaviyoyovana enununuri na ti damsi ini wavum.

Jon 18:18

Ivi nuba kirakai tuna kubiine bigabiga wawayisi ma potapota damsi keyama mukisi ivi karavowi ma imiiriviviri da ivivi rarana. Ma Pita inae kurisi da yavata imiiri ma ivivi rarana.

Apasol 28:3

Ma Pol keyama gisigisi iraguna ma ita terei ku keyama da ita karai. Ma nani kamonai mota berona keyama muyana damina iviiya da itarukapoka ma Pol imana ikaratani da iroroke.

Rome 14:1

Namanaki kwinami ina vitumaghana imitamita, kotinariyai ma kovi kiikiiwei. Ma Keresiyana yawasina kamonai bera gisigisi kubiine na ke kona tupavimanimaniniya.

Rome 14:3

Wawaya kam wapawapana ke kwinana vavi kava ekamkam na ina kitavigiugiuwei. Ma tam vavi kava kekamkam na kwinam kam wapawapana ke kuna vonei da tuna berabero eberaberai, iyamna namada God itinariyai kurina da ina wawaya.