Apasol 26:6 - God Vonana Vovokaravina

⁶ Ma taku God aitumaghanei da ina vonakiiyapa bagibagina ita kaekiki mau kurisi iterei na ina berai. Tuna kubine na karako koitupavireku.

Apasol 26:6 Referans Kwoze

Apasol 24:15

Ma taku aitumaghana da God ina berai da wawaya maninisi ma beroberosi kudubina rabobowai ina vomiiri. Ma weni viwavu damsi na bade nakanani itumaghana.

Taitos 2:13

Nakanani tamakamakai ma tabanebanenega da maranai Yesu Keriso ere kadarina ina nekiibau. Tuna ita God ma bade kata Viviyawa rewapana kirakiina.

Apasol 28:20

Weni berasi kubiine akwatumi kopisi da ata kitimi ma yavata kati sisiya. Israel damta kudubita titumaghana da God ina Vivinevine Wawayina kurita ina nekiibau da ini yawasita. Ma taku aitumaghanei da wawayina namada inekiibau. Tuna kubiine imaku chein iwarimi.”

Rome 15:8

Avonavonavinotimi da Keriso ipisi na itereoruwe meyei da Jiu damsi kubiisi ita biga. Ivi debei da God na wawaya maninina, iyamna ikikava i kaekiki mau kurisi vonakiiyapa bagibagina iterei na iberai.

Apasol 23:6

Ma Pol iakovi da Sanhidran kamonai wawaya viya na Sadusi damsi ma wawaya viya na Perisi damsi. Tuna kubiine ikiirara kurisi, “Varevaresiku! Taku na Perisi ma bade aku mamai na Perisi. Aku vitumaghana da wawaya raborabobosi karakava ina vomiiri, tuna kubiine na koitupavireku!”

Genesis 26:4

Ana berai da tupurereghim ina rakata da nakanani ma gwamegwame kunumai. Ma weni dobuna kudubina ana veresi da rapesiyai. Ma tupurereghim tepasiyai na dam ma dam dobuwai ani biibiinisi.

Genesis 22:18

Ma kuvotekateka kubiine na mara sago tupurereghim sago tepanai dam ma dam kudubisi dobuwai ani biibiinisi.”

Genesis 12:3

Iyavo kava ini biibiinim na ani biibiinisi ma iyavo kava inimagim na animagisi. Tam tepamuwai da dam ma dam kudubina dobuwai ani biibiinisi.”

Gareisiya 4:4

Marana vaghata inekiibau na God Natuna ivonatawei, wavine ivi tuwei da ivi wawayota. Ma tuna vonaviyoyovana ina rewapana gaburinai imakamakai

Apasol 26:8

Ma tami Jiu dami, avi kubiine konotanotai da God ke kovokovoghina da wawaya raborabobosi ina berisi da ina vomiiri?”

Apasol 24:21

Mikeda weni sisiyina sago kava kubiine iwavuku. Sanhidran babadisi maghinosiyai amiiri ma akiirara bo, ‘Taku aitumaghana da wawaya raborabobosi karakava ina vomiiri, tuna kubiine na koitupavireku!’ ”

Apasol 3:24

Aviyavisina peroperoveta ivivi sisiyei na karako etuputupuwa. Mara katamaninai peroveta Samuweru ma murinai peroperoveta kudubisi sisiyina sago iterei.

Genesis 49:10

Tupurereghim mara nonowa ini bada, Ti na kiivavo ina diwona ina voviteteyanei. Ke kovokovoghina ini damani dam sago kurisi. Ina nenae da wawayina vaghata ina nekiibau. Ina nekiibau ma dam ma dam ina pisi da ina suwari ma ina vokaravei.

Genesis 3:15

Ma ana berai da tam ma wavinena koni kawapata. Ma bade peim ma wavinena peina yavata ini kawapata nonowa. Mara sago kaekarena kuna kani ma gayamim ini tugudai.”