Apasol 26:10 - God Vonana Vovokaravina

¹⁰ Ma taparoro babadisi i babada rewapana ivereku da kana kivikivina peyarisi Jerusalem kamonai ku gabura ateresi. Ma ivivi tupaviresi ma ivonakiiyaragha da iti rabobosi na taku yavata kavi vaghinei da iti kiivunuwana.

Apasol 26:10 Referans Kwoze

Apasol 8:3

Ma Sol ivi karei da vitumaghana damsi ivivi tupaketowanesi. Numa nununai tomotomowa ma wivine ititinakwarokwarosi da ku gabura itereteresi.

Apasol 9:21

Ma iyavo kava ivi yanei na peyarisi ivi deyei ma ivona bo, “Wena vaghina tomowina Jerusalem kamonai wawaya Yesu kana vava ivovokavakavari na ivi kiivunuwana. Ma ipisi wike da vitumaghana damsi ita patumisi ma ita rutinisi taparoro babadisi i babada kurisi.”

1 Korint 15:9

Taku na aposol peyarisi gaburisiyai. Ma taku ke ata biibii kamowa da ati aposol iyamna God ina wawaya avivi tupaketowanesi.

Apasol 9:26

Sol inekiibau ku Jerusalem ma ibera tovoni da vitumaghana damsi ku kamosi ita rui ma kegha, peyarisi iyabumanei. Ke iti tumaghanei da tuna Yesu kana kivikivina.

Apasol 8:1

Ma weni berasi ituputupuwa na Sol nani kamonai, tuna mani matanai ikitai ma ivi vaghinei da Sitivin ikiivunui. Nani maranai wawaya ivi karei da vitumaghana damsi Jerusalem kamonai ivivi tupaketowanesi. Ma peyarisi ivi verubogebogesi da ku Judiya ma Sameriya dobusi, ma aposol kava Jerusalem kamonai imakai.

Apasol 7:58

Itinakwarokwaroi da kwanatu ikiibutawei ma ivi karei da wakimiyai iraravi. Ma kii tarasovo ivi votaweyana da tomowa sago yaragina kana vava Sol maghinonai iribai.

Revelation 17:6

Ma akitai da nani wavinena wawaya tarasi iumai da ineghanegha, wawayisi na God ina wawaya vovokaravisi, Yesu ivi tumaghanei kubiine wawaya ivi kiivunuwana. Tuna akitai na avi deye kirakiiyei.

Epesas 1:1

Taku Pol, ma God ina kayowanai ivineku da avi aposol Yesu Keriso kubiine. God ina wawaya Epesas kwanatuna kamonai, tami iyavo kovi tumaghana da Yesu Keriso yavata kovi nuwasago na kurimi agirugiruma.

Gareisiya 1:13

Wawaya ivonemi da rorova ikikava amakamakai na avere meyeku da Jiu damsi i vitumaghana ma i kiki akivina bubuni. Ma nuwanuwaku kudubinai Keresiyana wawayisi avivi tupaketowanesi ma abera tovoni da ati kovi tuwanonowisi.

Apasol 9:41

Pita ivororona da imana iviini ma itinavomiirini. Ma vitumaghana damsi, kwapukwapurisi yavata, ikwatusi irui ma wavinena yawayawana ku imasi iterei.

Apasol 9:32

Ma Pita ibaba da dobu ine yavui ma mara sago ku Laida kwanatuna inumataya da vitumaghana damsi ita kitisi.