Apasol 21:6 - God Vonana Vovokaravina

⁶ Ma kanipowana ikovi na kavi kiruruwesi ma ku waka kageru, ma ti na ivovira i ku numa.

Apasol 21:6 Referans Kwoze

Jon 19:27

Ma kana kivikivina kurina ivona bo, “Am maduwa weni, kevi maduwei.” Vaghina ma, kana kivikivina ivi vaghinei ma nani ravinai na Meri irutini da inae ina ku numa.

2 Korint 2:13

Ma avi nuwapoya kirakai da varesita Taitos ke ata panani. Tuna kubiine nani dobuna damsi avi kiruruwesi ma anae ku Masedoniya dobuna.

Jon 16:32

Ma mara iututuriyariya da namada iututanita da koni verubogebogeyanemi ami ku numa. Kudubimi kona verukuyoweku. Ma kegha da ke ina kiku kava ana makai, iyamna aku Mamai na mara nonowa gwabikuwai.

Jon 7:53

Ma vaghina, peyarisi nani gawarina ikuyowei ma ivovira i ku numa.

Jon 1:11

Ipisi ina ku dobu vaghata ma ina wawaya kurisi ma kegha da ibarei.

Luk 15:20

Vaghina ma yaragina ivomiiri inae ina mamai kurina.” “Karakava ita nekiibau ku numa ma ina mamai namada ikitataweyana da natuna ipipisi na ikitai. Ma ivi nuwapoya kirakai da natuna iverupotei, itaraghavui ma iyoni.