Apasol 2:45 - God Vonana Vovokaravina

⁴⁵ Ma viya i sawara bo kii tano ivivi gimara ma manena na turaturasi viya gwabisiyai kegha na ivovorereghisi.

Apasol 2:45 Referans Kwoze

1 Jon 3:17

Meni wawayina sawara gwabinai emakamakai ma ikitai da varesina nuwapoya kamonai ma ke iti kamyuyuwei na tuna mani idebe meyei da God ina nuwaviina gwabinai kegha.

Apasol 4:34

Ma vitumaghana damsi kamosiyai na ke sago wawaya moyamoyakina, iyamna iyavo kava numa bo tano rapesiyai na ivivi gimara ma manena

Luk 18:22

Ma Yesu weni sisiyina ivi yanei na ivona bo, “Bera sago kava emakamakai da kuta berai. Am sawara kudubina kevi gimarei ma mane na wawaya moyamoyakisi kuna veresi da mura makamakii nonowina kunumai kuna viiya. Muriyai kepisi da kuna kiviniku.”

2 Korint 9:9

Giruma katamana ivona bo, “Nuwanuwana kudubinai moyamoyakisi kurisi evereverena kirakai, ma ina bera maninisi na ina makii nonowa.”

Apasol 11:29

Ma Yesu kana kivikivina Antiyok kamonai inotai da vitumaghana turaturasi Judiya kamonai iti vitesi, tuna kubiine sago sago duma aviyavisina gwabisiyai, gisina bo ghamana na nevanevana iverena.

Matiu 19:21

Ma Yesu ivonei bo, “Viwawaya kiimatana kuna kayowei na kenae, am mura kudubina kevi gimarei ma manena na wawaya moyamoyakisi keveresi. Ma God mura makamakii nonowina kunumai ina verem. Tuna kuna berai, ma muriyai kuna pisi da kuna kiviniku.”

Luk 19:8

Ma Zakiyas ivomiiri ma ivona bo, “Bada, kevi yaneku! Aku mura nevanevana wawaya moyamoyakisi ana veresi. Ma mikeda wawaya avi beroberowesi da i mane gisina ayapiya na ana vere meyesi, ma ruwamaruwa ku tepana ana terei.”

Luk 16:9

“Avonavonemi da dobu kana mura ke ina makii nonowa. Tuna kubiine kovorereghi da turaturami ina peyari. Nakanani kona berai da karakava kunumai wawaya peyarisi ini kiikiiwemi.

2 Korint 9:1

Avi kubiine kurimi ata giruma da ami verena vitumaghana damsi Jerusalem kamonai kubiisi kota terei?

Apasol 4:35

aposol ivereveresi da turaturasi moyamoyakisi ivovorereghisi.