Apasol 19:2 - God Vonana Vovokaravina

² Ma ivi tarakiiyanesi bo, “Maranai vitumaghana kovi karei na Kanuma Vovokaravina damina koviiya bo kegha?” Ma ivonapotei bo, “Kegha. Tokai Kanuma Vovokaravina ke katakova tovoni. Ke meyani sisiyina kati yanei.”

Apasol 19:2 Referans Kwoze

Gareisiya 3:5

God Kanumina iveremi ma bera ghamaghamasi kamomiyai eberaberai na avi kubiine? Ke Moses ina vonaviyoyovana kota kivikivini kubiine. Kegha, Keriso varana biibiina kovi yanei ma kovi tumaghanei, tuna kubiine.

1 Korint 6:19

Koakovi bo kegha da tupuwimi na Kanuma Vovokaravina ina numa? Tuna Kanumina na God iveremi da gwabimiyai irunuma. Tupuwimi na ke tami rapemiyai ma God rapenai.

Jon 7:39

Yesu weni sisiyina iterei iyamna iyavo kava itumaghanei na karakava Kanuma Vovokaravina ina viiya. Ma nani maranai na Kanumina ke ita veresi, iyamna Yesu ke ita voepai kana ku kadara.

Apasol 19:5

Vitumaghana damsi weni sisiyina ivi yanei na Bada Yesu avanai ibabataito.

Apasol 10:44

Pita patana da ivivi sisiya ma nani kamonai iyavo kava ina sisiya ivivi yanei na Kanuma Vovokaravina ioru da itowatepanisi.

Apasol 2:17

Igiruma da God ivona bo, ‘Mara ina riyariyatawei na Kanumiku ana vonatawei inoru wawaya kudubisi kurisi. Natunatumi tomotomowa ma wivine ini peroveta da sisiya gwabikuwai ina viiya ma ini debei. Ana berai da ami yaraga bera mekeyusi ina kita, ma ami dobodoboro ini matu.

Rome 1:11

Aku kayowana ghamana da ata kitimi, da kanuma ina ku nevaneva aviyavisina gwabikuwai na ati damani kurimi da koti rewapana.