Apasol 13:23 - God Vonana Vovokaravina

²³ Ma God vonakiiyapa bagibagina iterei da David tupurereghina kamonai wawaya sago ina nekiibau da Israel ini yawasisi. Ma tuna na Yesu.

Apasol 13:23 Referans Kwoze

Matiu 1:1

Kimta ma kimta kamonai na Yesu Keriso ina kaekiki mau kii vava girumina na weni. Yesu na Kiivavo David tupurereghina, ma David na Abraham tupurereghina.

Revelation 22:16

“Taku Yesu aku aneya avi yonei ioru tam kurim da weni sisiyisi vitumaghana wawayisi kurisi kuti yonayonei. Taku na David ramramna ma tupurereghina. Taku na maratomtom tughuwarina, yaghara kiikiina.”

Jud 1:25

God tavokavakavari da kana kadara ina rakata. Ita God na sago kava, ma tuna na kata Viviyawa. Ita Bada Yesu Kerisowai da ivi yawasita. Kadara, rewapana ma vikiivavona na God rapenai, tuna wawaya ghamanakina. Rorova ma karako ma mara ku peyarina. Amen.

Apasol 13:32

Ma tokai na weni varana biibiina kapiyei kurimi. Ikikava God vonakiiyapa bagibagina iterei ita kaekiki katakatamanisi kurisi

Rome 1:3

Igiruma da God Natuna iti wawayota ma ita tupuwa da kiivavo David tupurereghina.

1 Jon 4:14

Mamai God, Natuna ivonatawei da dobu kana Viviyawa. Ma tokai aposol matakiiyai kakitai na debiiyai kaimamatara da tuna sisiyina na vonavaghata.

2 Pita 3:18

Ma ami yawasa kamonai kona gogo da ita Bada Yesu Keriso kata Viviyawa konakova bubuni ma ina agabiibai gwabimiyai ina makai. Tighegheni ma tavokavakavari da kana kadara ina rakata, karako ma mara nonowa. Amen.

2 Pita 3:2

Aku kayowana da aviyavisina mara katamaninai peroperoveta igirumi na kotakovi. Ma bade aviyavisina ita Bada, tuna kata Viviyawa ivi beyebeyena na kota notai, sisiya bagibagisi ina vibeyebeyena kamonai na ami aposol iveremi.

2 Pita 2:20

Wawaya ita Bada ma kata Viviyawa Yesu Keriso inakovi na dobu yawasina ina berabero ina veruvuvurei. Ma mikeda ini muritina da berabero ina kamowanisi ma ini badesi na i yawasa ina bero kirakai, ke rorova nakanani.

2 Pita 1:11

Ma God matuketa ina votawei da ita Bada Yesu Keriso, kata Viviyawa ina vikiivavona makamakii nonowina ku kamona kona rui ma ini kiikiiwa kirakiiyemi.

2 Pita 1:1

Taku Saimon Pita, Yesu Keriso ina aposol ma ina bigabiga. Tami iyavo kava Keriso koitumaghanei taku nakanani na agirugiruma kurimi. Ita vitumaghana na bera ghamana ma ibiibii kirakai. Ma nani vitumaghanina na ita God ma kata Viviyawa Yesu Keriso gwabinai taviiviiya. Ma tuna ina bera na maninina kavakava.

Taitos 1:4

Ma Taitos kurim, kiiwa kiiwa. Ita vitumaghana kamonai, tam natuku vaghata. Ainowi Mamai God ma Yesu Keriso kata Viviyawa kurisi da i agabiibai ma i nuwanuba gwabimuwai ina makai.

Rome 11:26

Giruma katamana evonavoneta da Israel kudubina weni nakanani yawasa ina panani. “Viviyawa wawayina Zayon kamonai ina vomiiri, da Jeikap tupurereghina ina tinaviresi da bera didibarisi ina voterei.

Apasol 3:26

God na ina bigabiga Yesu ivinei ma kunona tami Jiu dami kurimi ivonatawei da peyarimi sago sago duma ini biibiinimi ma ina tinaviremi da ami bera beroberosi kona voterei.”

Apasol 2:30

David na peroveta, ma iakovi da God tuna mani avanai vonakiiyapa bagibagina iterei da tupurereghina sago kana gawara ina viiya da ini kiivavo.

Jon 7:42

Ma giruma katamana evonavona da Keriso na Beteliyem kamonai ina tupuwa, iyamna tuna kwanatuna na Kiivavo David ina dobu. Ma evonavona da Keriso na David ina rakaraka kamonai.”

Jon 4:42

Damsi wavinena ivonei bo, “Wekarakava kavi tumaghana, ke tam kuta vonekai kubiine, ma takii mani ina sisiya kavi yanei kubiine. Wekarakava kakovi da vonavaghata, tuna na dobu kana Viviyawa.”

Luk 1:69

Ina bigabiga David ina rakaraka kamosiyai kata Viviyawa rewapana kirakiina ina miirikiibau.

Matiu 22:42

“Ikikava konotanotai? God ina Vivinevine Wawayina na iyi tupurereghina?” Ma ivonapotei bo, “Kiivavo David tupurereghina.”

Matiu 21:9

Ma nani korotona kamosiyai Yesu inenae. Ma wawaya ibababa na ikarakarayogosi. “Hosana! Kaigheghenim! Tam David Tupurereghina, kavovokavakavarim! God ini biibiinim, tam Bada avanai kepipisi! Hosana, God, kiidamo makamakiim, kaigheghenim!”

Matiu 1:21

Meri ini tuwa da natuna tomowa ma kuni vavei Yesu, iyamna ina wawaya i berabero kamonai ini yawasisi.”

Apasol 4:12

“Yesu ina kina kava kurina tikwatu da ini yawasita. Dobuwai ma kunumai na ke sago wawaya ita makamakai da yawasa makamakii nonowina ina vereta.”