Apasol 11:15 - God Vonana Vovokaravina

¹⁵ Ma Pita ina sisiya ikwapanatini, “Avi karei da Koneriyas ina wawaya yavata kurisi avivi sisiya na Kanuma Vovokaravina ioru da itowatepanisi. Ikikava karenai kurita itupuwa na nakanani itupuwa kurisi.

Apasol 11:15 Referans Kwoze

Apasol 19:6

Ma Pol imana ku gayamisi iterei na Kanuma Vovokaravina itowatepanisi da kunuma gamosi bogii ma bogiiyai ivivi sisiya. Ma sisiya God gwabinai iviiviiya na ivivi debei.

Apasol 4:31

Inipowana ikovi na meni gawarinai ivi kiidaburana na numana ivi nuke. Ma Kanuma Vovokaravina itowatepanisi da maghitepasi itora. Ma nani maranai ivi karei da ere tepatorasi God vonana idimadimei.

Apasol 9:43

Ma Pita tomowa sago kana vava Saimon, yavata imakii kirakai Jopa kamonai. Ma Saimon ina biga na ghamoghamo bekasi ivivi gimagimara.