1 Timoti 1:4 - God Vonana Vovokaravina

⁴ Giu gurigurisi ma i kaekiki mau kii vava isisiyei enenae da ti mani kamosiyai ikawapata. Kevonesi da ina voterei, tuna na ke God ina biga. God titumaghanei da ina biga takova bubuni.

1 Timoti 1:4 Referans Kwoze

Taitos 3:9

Ma wawaya i kaekiki ma i imakiki kii vava iruwei ma ti kamosiyai Moses ina giu igamowanei na keveruvuvuresi. Weni berasi na iyamsi kegha.

Taitos 1:14

ma Jiu damsi i giu vibero ina voterei ma wawaya i sisiya bagibagisi viviberosi ke ini yanei, iyamna vonavaghata itakuputei.

1 Timoti 4:7

Ma giu katamanisi ma wivine moramorapisi kii varagutugutu viviberosi na keveruvuvurei. Mara nonowa kevi beyebeyena meyem da tam na God ina wawaya kiimatanim.

2 Timoti 4:4

Vonavaghata ina takuputei ma nuwanuwasi kudubinai i kiki berasi ini tumaghanei.

2 Pita 1:16

Ke keta sisiya bo varagutugutu vigayagaya kata vonavonemi da Bada Yesu Keriso ere rewapanina ina vovira ku dobu. Takii mani matakiiyai ina rewapana notakavakavana kakitai.

1 Timoti 6:20

Timoti, aviyavisina God iverem na kekoyagha bubuni. Ma mikeda wawaya i nuwagiura vibero ina vivisisiyei bo ina vivigamowanei na keveruvuvuresi.

Hibru 13:9

Tuna kubiine kokitaruvimi da vibeyebeyena vusi ke ina tinavivirimi. Ibiibai da kanumita ina rewapana na God ina agabiibai gwabinai ina viiya. Ma vibeyebeyena piropirosi da aviyavisina wawaya ina kani bo ke ina kani na ke ini vitesi da kanumisi ini rewapana.

2 Timoti 2:14

Keresiyana turaturata weni sisiyisi kuna vonavinotisi da ke nuwanuwasi ina wapa. Ma God ku matana kevonesi da vigamowana ina voterei, tuna na iyamna kegha, ma iyavo kava ini yanei na i yawasa ini beroi.

2 Timoti 2:22

Iyavo kava Bada tepanai emakamakai na nuwanuwasi yagharinai ekwekwa da ini wawayamanini, i vitumaghana ini rewapana, i nuwaviina ina rakata ma mara nonowa nuwanubiiyai ina makamakai. Ma tam bade nakanani keberai ma yaraga notasi beroberosi kebarei.

1 Timoti 6:11

Timoti, tam na God rapenai, tuna kubiine nani berasi keveruvuvurei. Keberai da am yawasa na maninina, God ina kayowana kava kekivini, kevi tumaghana, kevi nuwaviina, kemiirikikina ma kevopepeta. Kevi rewapana da weni berasi na gwabimuwai ina makai.

1 Timoti 3:16

Vonavaghata, God ina nota ghamaghamasi ma gavugavusi iyamsi irakata, ma notasi na weni. Ivi wawayota da viyota ikotei, Ma Kanuma Vovokaravina ivi debei da tuna na vonavaghata, Ma bade aneya matasiyai ikitai. Ma kana vava dam ma dam kamosiyai wawaya idimei, da dobu ku kudubina ivi tumaghanei, ma God iviitawei da ighae ku kunuma da kana kadara kamonai emakamakai.

Taitos 1:1

Taku Pol, God ina bigabiga ma Yesu Keriso ina aposol agirugiruma. God ivonataweku ina wawaya vovinesi kurisi da vonavaghata ini tumaghanei ma inakova bubuni da yawasa manininai ina makai.

2 Korint 1:12

Takii mani kati gheghena meyekai, iyamna nuwanuwakai kamonai kakovi da dobuwai kamakamakai na akii yawasa na vovokaravina. Ma bade nani kamonai aviyavisina kurimi kaberai na God ivi vitekai da bera maninina ma nota yagharina kava. God ina agabiibiiyai da kabera bubuni, ma ke wawaya i nuwagiura kata kivini.

Epesas 3:2

Namada koakovi da God rewapana ivereku da ina agabiibai ati debei kurimi.

2 Timoti 2:23

Wawaya neghaneghasi sisiya wapawapa kubiine ina vivigamowana na kekuyowesi. Kuakovi da damonai na viruwa ina tupuwa.