1 Korint 9:2 - God Vonana Vovokaravina

² Wawaya viya enotanotai da taku na ke aposol. Ma tami namada koakoviku da taku na aposol, iyamna tami mani ami yawasa ivi matakira da Bada ina biga aberaberai.

1 Korint 9:2 Referans Kwoze

2 Korint 12:12

Ma God ina rewapanai da taku bera ghamaghamasi ma notakavakavasi kamomiyai aberai. Aku biga kamonai na aku nota ivi rewapana ma amiirikikina da ku damona. Nani berasi ivi matakira da taku na aposol vaghata.

Jon 6:27

Ke vavai kava kubiine kona biga iyamna tuna ina bero. Ma vavai sago kubiine koni paparana da kona viiya, tuna na yawasa makamakii nonowina. Ma nani vavina na Wawaya Natusi ina veremi, iyamna rewapana ma matakira Mamai God gwabinai iviiya da vavina ina rereghi.”

Jon 3:33

Ma iyavo kava ina sisiya iviiya na ivi debei da God na vonavaghata isisiyei.

Apasol 1:25

da aposol bigana ina berai. Judas kana gawara ina viiya, iyamna ikuyowekai inae ku gawara berona.”

1 Korint 9:3

Wawaya ina yeghayeghiku na weni nakanani ana miirikikina ma ana vonapotesi.