YUHANIS 6:51 - PEJANJIAN EMPAI CERITAU ILUAK

⁵¹ Akunila makanan diau ngenjuakka idup diau datang jak di sergau. Jemau diau makan makanan ini ka idup selelamaunyau. Makanan diau ka Kuenjuakka nyela dagingKu diau ka Kuenjuakka batan ngenjuakka idup ngan deniauni.”

YUHANIS 6:51 Referans Kwoze

LUKAS 22:19

Udim itu Yesus ngambiak ruti, bedu'a beterimau-kasia, dipiya'Au rutitu, dienjuakkaNyau ngan ughangtu sampai bekatau, “Inila badanKu diau dienjuakka batan endak kamu. Kerjaukala ini batan endak meghingati Aku.”

YUHANIS 6:33

Karnau makanan diau jak di Allahtu makanan diau tughun jak di sergau diau ngenjuakka idup ngan deniauni.”

YUHANIS 3:13

Nidau bediau sughang kia diau la nayiak ke sergau lain jak di diau la tughun jak di sergau, diautu Anak Manusiau.

TITUS 2:14

Diautu la nyeraka diriAu batan endak kitau endak nyelamatka kitau jak di gegalaunyau diau ja'at. Diautu njadika kitau umatAu diau beresia diau njadi ha'Au ngan rajin ngerjauka diau iluak.

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

IBRANI 10:20

Diautu la mbuat jalan diau empai batan endak kitau, jalan diau ngenjuakka idup. Jalan itu wuan tabir, diautu badan Yesus itula.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

1 PITRUS 2:4

Datangla njenguak Tuhan. Diau umpamau batu idup diau dicapakka manusiau, karnau dianggap nidau begati. Anyautu Diautu dipilia Allah, mangku nyatau Diau batu diau beregau.

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

YUHANIS 1:29

Pagi di aghiau Yuhanis nginak Yesus datang njenguak diau, mangku Yuhanis bekatau, “Kina'ila, itu Anak Bebiri diau disediauka Allah endak ngabiska dusau deniau.

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

IPISUS 5:25

Laki mesti nyayangi biniau, luak Keristus nyayangi jemau Keristen ngan nyeraka diriAu batan endak ughangtu.

2 KURINTUS 5:19

Kami ngiciakka, bansau Allah mbuat manusiau seilu'an ngan Diau karnau Keristus. Allah ngerjauka titu nidau nuntut dusau jemau. Mangku kami la ditugaska ngiciakka ceritau damaitu.

YUHANIS 7:38

Jemau diau percayau ngan Aku dikiciakka dalam Injil luak ini: Jak di dalam atiau ka adau matau-ayiak melilia diau ka ngenjuakka idup.”

YUHANIS 3:14

Luak Musa nayiakka ulagh ke kayu setak di padang bungin, luak itula pulau Anak Manusiau mesti dinayiakka,

YUHANIS 3:36

Jemau diau percayau ngan Ana'Autu bulia idup selelamaunyau. Anyautu jemau diau nidau ta'at ngan Ana'Autu nidau ka bulia idup empai. Jemautu maju diukum Allah.

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YUHANIS 6:35

Katau Yesus, “Akunila makanan diau ngenjuakka iduptu. Jemau diau datang njenguak Aku nidau ka lapagh agi, mangku jemau diau percayau ngan Aku nidau ka aus agi.

YUHANIS 6:41

Mangku jemau Yahudi mulai bemumut mumuti Yesus, karnau Diau ngiciakka, “Akunila makanan diau datang jak di sergau.”

YUHANIS 6:47

Ingatkala, jemau diau percayau bulia idup empai selelamaunyau.

YUHANIS 6:48

Akunila makanan diau ngenjuakka idup.

YUHANIS 6:50

Anyautu nidau luak itu makanan diau jak di sergau. Jemau diau makan makanantu cetau nidau ka mati.

YUHANIS 11:26

Mangku jemau diau idup ngan percayau ngan Aku, nidau ka mati selelamaunyau. Apu kaba percayau tini?”