YUHANIS 5:44 - PEJANJIAN EMPAI CERITAU ILUAK

⁴⁴ Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

YUHANIS 5:44 Referans Kwoze

YUHANIS 12:43

Ughangtu galakla dipuji manusiau sangkan dipuji Allah.

RUM 2:29

Anyautu jemau diau ngenian Yahudi, jemau diau jiwahau jemau Yahudi. Sunat diau ngenian, sunat di ati diau dikerjauka Rua Allah ukan diau dikerjauka nurut setu diau ditulis di kitab. Mangku jemau luak itu dipuji Allah, ukan dipuji manusiau.

PILIPI 2:3

Jangan bekerjau ndalak kepentingan diri kamu ngan mintak dipuji. Anyautu kamu mesti ngensian ngan nganggap pentingla jemau sangkan kamu.

MATIUS 23:5

Gegalaunyau diau dikerjauka ughangtu cuman endak dikinak jemau ajau. Ughangtu makai tali sembayang diau libagh ngan ghambu baju diau panjang.

1 PITRUS 1:7

Tujuan gegalaunyautu endak nguji iman kamu. Emas diau pacak ghemas diuji pulau ngan api. Beregaula iman kamu sangkan emas, mangku imantu mesti diuji pulau, supayau njadi tegua. Mangku kamu ka dipuji, diregaui ngan diagungka, amun Yesus Keristus datang agi.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

RUM 2:10

Anyautu gegalau jemau diau galak ngerjauka diau iluak ka dipuji ngan diregaui ngan dienju'i damai ketenteraman jak di Allah, jemau Yahudi kudai mangku pulau jemau bangsau lain.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

LUKAS 19:17

Rajautu bekatau ngan anak-buahautu, ‘Iluak, kaba anak-bua diau belagham. Setu diau keciak kaba pacak dipercayaui, karnau itu aku ka ngajung kaba nguasaui sepulua kuta.’

YAKUBUS 2:1

Kantin-kantinku diau percayau ngan Yesus Keristus, Tuhan diau agungtu, jangan kamu nginak rupau.

IBRANI 3:12

Kantin-kantinku, sepepadaula, supayau di guak kamu jangan adau sughang kiala diau mbuat ja'at ngan nidau percayau mangku ngelipat ninggalka Allah diau idup.

2 KURINTUS 10:18

Jemau diau dipuji Tuhan ta'an uji ukan jemau diau muji diriau.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

YUHANIS 8:43

Tuapau sebapau kapu dighi nidau ngerti setu diau Kukiciakka? Karnau kapu dighi enggup nerimau kici'anKu.

YUHANIS 3:20

Jemau diau mbuat ja'at luat ngan terang, diau enggup njenguak terang, mangku peremba'au diau ja'attu nidau kina'an.

YUHANIS 5:41

Aku ukan ndalak puji ngan jemau.

1 TESALUNIKA 2:6

Kami nidau kekela mintak dipuji manusiau, empuak jak di kamu, empuak jak di jemau lain. Sebenaghau kami behak mintak setu jak di kamu, karnau kamini rasul Keristus.

1 TIMUTIUS 1:17

Allah itu Rajau gegalau saman diau nidau beghuba selelamaunyau ngan nidau kina'an. Diau sughang itula Allah ngan pantas diregaui ngan dipuji selelamaunyau. Nyela nian. Amin!

YUDAS 1:25

Diautula Allah ngan Rajau Penyelamat kitau karnau Yesus Keristus, Tuhan kitau. Diautu Allah diau agung, bekuasau ngan diregaui jak di senitu enggut mbak kini ngan selelamaunyau. Amin.