YUHANIS 5:25 - PEJANJIAN EMPAI CERITAU ILUAK

²⁵ Percayaula, masaunyau ka sampai, mbak kini la sampai, jemau mati ka ndengagh suarau Anak Allah, mangku jemau diau ndengaghkanyau ka idup.

YUHANIS 5:25 Referans Kwoze

YUHANIS 5:28

Jangan kapu dighi kepagauan ngan kici'anKu tadi. Masaunyau ka sampai gegalau jemau mati ka ndengaghka suarauNyau,

IPISUS 5:14

Itula sebapau la dikiciakka luak ini, “Bangunla, ui kaba diau tiduak, idupla jak di mati, mangku Keristus ka nerangi kaba.”

IPISUS 2:5

mangku masau kitau gi luak mati karnau dusau kitau, kitau diidupka ngan Keristus. Kamu diselamatka cuman karnau keilu'an ati Allah.

YUHANIS 4:23

Masaunyau ka sampai, mangku la sampai mbak kini, jemau ka nyemba Bapak ngan kuasau Rua Allah luak Diau nyatauka diriAu. karnau Bapak endak disemba luak itu.

PENGINA'AN 3:1

“Ngan malaikat jemau Keristen di Sardis tuliskala luak ini: ‘Inila katau Aku, Aku ngempu tujua rua jak di Allah ngan tujua bintangtu. Aku keruan gegalau kerjau kaba. Kaba dikiciakka idup, awuak kaba mati.

YUHANIS 8:47

Jemau diau asalau jak di Allah ndengaghka kici'an Allah, anyautu asal kapu dighi ukan jak di Allah. Itula sebapau kapu dighi enggup ndengaghiNyau.”

KULUSI 2:13

Senitu kamu luak mati, karnau kamu jemau bedusau ngan nidau keruan ukum Allah. Mbak kini kamu la diidupka Allah seghundak ngan Keristus ngan gegalau dusau kitau la diabiskaNyau.

IPISUS 2:1

Senitu kamu luak mati, karnau kamu bedusau ngan melanggar perinta Allah.

RUM 6:4

Masau kitau dibaptiskatu, kitau mati ngan Diau, mangku kitau pulau dikuburka ngan Diau. Mangku Keristus diidupka agi jak di mati, karnau kuasau Bapak diau agung. Luak itu pulau kitau pacak njalani idup diau empai.

YUHANIS 8:43

Tuapau sebapau kapu dighi nidau ngerti setu diau Kukiciakka? Karnau kapu dighi enggup nerimau kici'anKu.

YUHANIS 5:21

Karnau luak Bapak ngidupka jemau mati, mangku dienjuakkaNyau idup empai, luak itula pulau Anak ngenjuakka idup ngan jemau diau endak Anak enjuakka idup.

LUKAS 15:24

karnau anakku ini la mati mangku ngulang idup, diau la sesat mangku baliak agi.’ Mangku ughangtu mulai bereriang.

LUKAS 9:60

Yesus nimbal, “Nengkela jemau mati nguburka jemau mati, anyautu kaba pegila ngiciakka di manau-manau ceritau Allah la mulai merinta.”

YUHANIS 4:21

“Percayaula,” katau Yesus, “Masaunyau ka sampai jemau ka nyemba Bapak ukan di bukit ini, ukan pulau di Yerusalim.

LUKAS 15:32

Kitau pantas bereriang, karnau ading kaba la mati, mangku ngulang idup, diau la sesat, mangku baliak agi.’ ”

YUHANIS 17:1

La udim ngiciak luak itu, Yesus ncungak ke langit, mangku bekatau, “Bak, masaunyau la sampai, agungkala Anak Dighi, mangku Anak Dighi ngagungka Dighi pulau.

YUHANIS 13:1

Mbak pagi di aghiau aghi rerayau Paska ka lasung, Yesus la keruan, bansau masauNyau la sampai Diau ninggalka deniau ini njenguak Bapa'Au. Yesus la nyayangi anak-buaHau, mangku Diau maju nyayangi ughangtu enggut pengabisanNyau.

YUHANIS 6:60

La udim ndengagh gegalau kici'an Yesustu tadi, banyak jak di pengikut Yesus bekatau, “Kici'an ini segau igau! Sapau ka pacak nerimaunyau?”

YUHANIS 9:27

Timbalau, “La kukiciakka ngan kapu dighi, anyautu kapu dighi nidau ndengaghkanyau. Ngapau kapu dighi endak ndengagh agi. Apu kapu dighi endak njadi pengikutAu pulau?”