YUHANIS 21:19 - PEJANJIAN EMPAI CERITAU ILUAK

¹⁹ Ngan kici'an luak itu tadi Yesus nunjuakka carau Pitrus ka mati endak ngagungka Allah. La udim ngiciak luak itu, katau Yesus ngan Pitrus, “Ikutkala Aku!”

YUHANIS 21:19 Referans Kwoze

2 PITRUS 1:14

Karnau aku keruan, bansau nidau ka lamau agi aku ka ninggalka deniauni. Tuhan kitau Yesus Keristus la ngiciakkanyau nian ngan aku.

YUHANIS 21:22

Katau Yesus, “Misalau Aku endak diau maju idup, enggut Aku datang, itu ukan kerjau kaba. Anyautu kabani, mela ngikut Aku!”

MATIUS 10:38

Jemau diau nidau mikul salipau mangku ngikut Aku, nidau pantas njadi anak-buaKu.

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

YUHANIS 12:33

Yesus ngiciakka luak itu endak nyatauka carau Diau ka mati.

YUHANIS 18:32

Mangku luak itula kici'an Yesus ditepati ngiciakka caraunyau Diau ka mati.

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

MATIUS 19:28

Katau Yesus ngan ughangtu, “Percayaula, di deniau diau empai, amun Anak Manusiau ka duduak di kerusi rajau, kamu diau ngikut Aku ka duduak pulau di duau belas kerusi mangku ngukum duau belas jungku jemau Israil.

MATIUS 8:22

Yesus nimbal, “Mela ngikut Aku. Nengkela jemau mati nguburka jemau mati.”

YUHANIS 21:18

Percayaula ngan katauKu ini: Masau kaba gi mudau, kabanila ngenauka bebat kaba, pegi ke manau ajau kaba endak. Amun kaba la tuau, kaba nyurungka tangan kaba, mangku jemau lain ngebat kaba, mbatak kaba ke bada kaba enggup pegi!”