YUHANIS 21:12 - PEJANJIAN EMPAI CERITAU ILUAK

¹² Katau Yesus, “Mela, makan!” Nidau sughang kia jak di anak-buaHau beghani betanyau, “Dighi sapau?” Karnau ughangtu keruan Diautu Tuhan.

YUHANIS 21:12 Referans Kwoze

RASUL 10:41

ukan ngan gegalau jemau, cuman ngan kami diau la dulu dipilia Allah, supayau ngiciakkanyau. La udim Diau ngulang idup jak di mati, kamini la makan ngan Diautu.

YUHANIS 16:19

Yesus keruan, bansau anak-buaHautu endak betanyau ngan Diau, mangku Diau bekatau, “Apu kamu sangi kiciakka setu diau Kukiciakka tadi, Tigha jerang ajau kamu nidau nginak Aku agi, lagi pulau, Tigha jerang agi, kamu ka nginak Aku?

YUHANIS 21:15

La udim makan Yesus ngiciak ngan Simun Pitrus, katauNyau, “Simun, anak Yuhanis, apu kaba nyayangi Aku lebia jak di gegalaunyau ini?” “Au, Tuhan,” katau Pitrus, “Dighi keruan aku nyayangi Dighi.” Katau Yesus, “Sayiala anak bebiriKu!”

MARKUS 9:32

Ughangtu nidau terti kici'anNyautu, anyautu nidau beghani nanyaukanyau.

YUHANIS 4:27

Masau itu anak-bua Yesus datang, mangku ughangtu kemangan nginak Yesus ngiciak ngan jemau tinau. Anyautu nidau bediau sughang kia diau betanyau ngan tinautu, “Kaba endak tuapau?” ngan nidau bediau diau betanyau ngan Yesus, “Ngapau Dighi ngiciak ngan tinautu?”

LUKAS 9:45

Anak-buaHau endiak terti kici'anNyautu, karnau retiau nidau keruan ngan ughangtu, mangku ughangtu nidau terti kici'anNyautu. Ughangtu nidau beghani nanyauka retiau kici'anNyau tadi.

MATIUS 22:46

Nidau bediau sughang kiala diau pacak nimbali Yesus, mangku jak aghi itu nidau bediau sughang kia diau beghani nanyauka tuapau-apau agi ngan Diau.

YUHANIS 21:11

Simun Pitrus nayiak perawu tadi, mangku nariak jalau ke daghat. Jalau itu penua ngan ikan besak-besak. Gegalaunyautu adau seratus limau pulua tigau ikuak. Empuak banyak ikan luak itu, jalaunyau nidau cebagh.