YUHANIS 17:6 - PEJANJIAN EMPAI CERITAU ILUAK

⁶ Aku la nyatauka namau Dighi ngan gegalau jemau jak di deniauni diau la Dighi enjuakka ngan Aku. Dighitu ngempu ughangtu, mangku Dighi la ngenjuakka ughangtu ngan Aku. Ughangtu la nuruti kici'an Dighi.

YUHANIS 17:6 Referans Kwoze

YUHANIS 17:26

Aku la nyatauka namau Dighi ngan ughangtu, Aku maju nyataukanyau, mangku sayang Dighi ngan Aku maju dalam ati ughangtu, mangku Aku seghundak ngan ughangtu.”

1 YUHANIS 5:20

Kitau keruan, bansau Anak Allah la datang ngan ngenjuakka pengertian ngan kitau, mangku kitau ngeruani Allah diau benagh. Kitau idup seghundak ngan Allah diau benagh ngan idup seghundak ngan Ana'Au Yesus Keristus. Diautu Allah diau benagh ngan ngenjuakka idup sejati selelamaunyau.

YUHANIS 6:37

Gegalau jemau diau dienjuakka Bapak ngan Aku ka datang njenguak Aku, mangku jemau diau njenguak Aku, cetau nidau ka Kutulak.

YUHANIS 17:24

Bak, Aku endak, supayau jemau diau Dighi enjuakka ngan Aku adau guak Aku di badaKu, mangku ughangtu nginak keagungan diau la Dighi enjuakka ngan Aku, karnau Dighi la nyayangi Aku antak ka deniau adau.

YUHANIS 17:2

Dighi la ngenjuakka kuasau ngan Diau nguasaui gegalau manusiau, mangku Diau ka ngenjuakka idup empai selelamaunyau ngan gegalau jemau diau la Dighi enjuakka ngan Diau.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

YUHANIS 15:19

Misalau kamu semegi ngan jemau di deniau, cengki deniau ka nyayangi kamu, karnau kamu semegi ngan deniau. Anyautu karnau Aku la milia kamu jak di deniauni, kamu ukan semegi ngan deniau. Itula sebapau deniau luat ngan kamu.

PENGINA'AN 3:8

Aku keruan gegalau kerjau kaba. Kina'ila, Aku la mbuka'i kaba duaghau, mangku sughang kiala nidau pacak ngatupkanyau. Aku keruan kekuatan kaba nidau sebeghapau. Anyautu kaba nuruti ajaghanKu ngan maju ngaku'i Aku.

IBRANI 3:6

Tapi Keristus itu Anak diau ngepala'i ghuma Allahtu ngan ta'at. Mangku kitau inila ghuma Allah, amun kitau tegua ngan maju percayau ka bulia setu diau kitau aghapka.

YUHANIS 15:7

Amun kamu maju mendam di Aku ngan kici'anKu maju di ati kamu, pintakla tuapau kila kamu endak, mangku kamu ka dienju'i.

PENGINA'AN 2:13

Aku keruan bada kaba. Bada kaba di bada iblis. Empuak luak itu, kaba maju ngaku'i Aku. Kaba maju percayau ngan Aku, pulau masau Antipas, anak-buaKu diau tekun, dibunua di bada kaba, di bada iblistu.

IBRANI 2:12

katauNyau, “Aku ka ngiciakka ceritau Dighi ngan ading-beghadingKu. Aku ka ngagungka Dighi di guak umat Dighi.”

2 TIMUTIUS 1:13

Ikutila nian ajaghan diau benagh diau la kaba dengagh jak di aku. Kerjaukala gegalaunyautu ngan maju percayau ngan sayang diau adau di kitau karnau seghundak ngan Yesus Keristus.

KULUSI 3:16

Ajaghan Keristus mesti bekerjau dalam ati kamu ngan carau diau iluak. Mangku sangi ajaghila ngan sangi retika ngan bepengertian nian. Nyanyikala masmur ngan pujian ngan lagu ruhani batan endak Allah sampai beterimau-kasia dalam ati.

RUM 11:2

Allah nidau ncapakka umatAu diau dipiliHau jak di senitu. Cengki kamu la keruan setu diau ditulis di Injil ceritau Elia ngaduka jemau Israil ngan Allah, kataunyau,

RASUL 13:48

Ndengagh kici'an itu gegalau jemau diau ukan Yahudi riang nian ngan ngagungka ceritau jak di Tuhan. Mangku gegalau jemau diau la ditetapka Allah batan endak idup selelamaunyau percayau ngan Tuhan Yesus.

YUHANIS 18:9

Luak itu dikiciakkaNyau, mangku ditepati setu diau la dikiciakkaNyau tadi, “Jak di ughangtu diau Dighi enjuakka ngan Aku, nidau sughang kia diau Kuenangka benasau.”

YUHANIS 17:16

Ughangtu nidau jak di deniauni, luak Aku pulau nidau jak di deniauni.

YUHANIS 17:14

La Kukiciakka ngan ughangtu kici'an Dighi, mangku deniau meluatka ughangtu, karnau ughangtu nidau jak di deniau, luak Aku pulau nidau jak di deniau.

YUHANIS 15:3

Kamu la diberesiaka karnau kici'anKu diau la Kukiciakka ngan kamu.

YUHANIS 12:28

Bak, agungka namau Dighi!” Mangku tedengagh suarau jak di sergau diau ngiciakka, “Aku la ngagungkanyau, mangku Aku ka ngagungkanyau agi.”

YUHANIS 6:39

Inila kendak Allah diau ngajung Aku: Supayau jak di gegalau jemau diau la dienjuakkaNyau ngan Aku sughang kia nidau ka lengit, tapitu ughangtu Kuidupka masau aghi kiamat.

YUHANIS 1:18

Nidau sughang kia kekela nginak Allah lain jak di Anak Allah diau gi sughang itula ngan maju seghundak ngan Bapak. Diau itula nyatauka Bapak ngan kitau.

1 PITRUS 1:1

Jak di aku, Pitrus, rasul Yesus Keristus, batan endak jemau diau dipilia dijadika umat Allah diau tesebar di rantauan di daira Puntus, Galatia, Kapadukia, Asia ngan Bitinia.

YUHANIS 8:51

Ngenian katauKu ini: Jemau diau nuruti kici'anKu nidau ka mati selelamaunyau.”

YUHANIS 8:52

Jemau Yahuditu bekiciak agi, “Mbak kini kami keruan Kabani diarung iblis nian. Abraham la mati, luak itu pulau gegalau nabi, anyautu Kaba ngiciakka, ‘Jemau diau nuruti kici'anKu nidau ka mati selelamaunyau.’

YUHANIS 17:7

Mbak kini ughangtu keruan, bansau gegalaunyau diau la Dighi enjuakka ngan Aku asalau jak di Dighi.

YUHANIS 17:12

Masau Aku gi adau guak ughangtu, Aku la nyayia ughangtu ngan kuasau namau Dighi, namau diau la Dighi namauka ngan Aku. Aku la njagaui ughangtu, mangku nidau sughang kia jak di ughangtu benasau lain jak di jemau diau semestiau benasau, mangku setu diau ditulis dalam Injil ditepati.

PENGINA'AN 3:10

Kaba la nuruti kici'anKu endak nantika Aku ngan tekun. Karnau itu Aku ka njagaui kaba jak di masau penanggungan, masau gegalau jemau di deniau ka dicubaui.