YUHANIS 17:21 - PEJANJIAN EMPAI CERITAU ILUAK

²¹ Bak, Aku mintak, supayau gegalau ughangtu njadi seghundak, luak Dighi seghundak ngan Aku, Aku seghundak ngan Dighi. Aku endak ughangtu seghundak ngan kitau, mangku deniau percayau, bansau Dighi ngajung Aku.

YUHANIS 17:21 Referans Kwoze

1 KURINTUS 12:12

Keristus umpamau badan manusiau. Badanautu sutiak, anyautu dandanannyau banyak. Gegalau dandanannyautu empuak banyak cuman sutiak badan.

YUHANIS 17:11

Mbak kini Aku njenguak Dighi. Akuni nidau agi di deniauni, anyautu ughangtu gi adau di deniauni. Bak, diau suci, sayiala ughangtu ngan kuasau namau Dighi, namau diau la Dighi namauka ngan Aku, supayau ughangtu njadi seghundak luak Kitau.

PILIPI 1:27

Diau penting mbak kini, supayau idup kamu nurut ceritau Keristus itu. Mangku amun aku pacak datang, aku nginak, amun nidau pacak datang, aku ka ndengagh, bansau kamu tegua ngan sesamau bekerjau batan endak sutiak tujuan, diautu batan endak percayau nurut ceritau iluak.

YUHANIS 13:35

Amun kamu sangi sayangi, gegalau jemau ka keruan, bansau kamu anak-buaKu.”

RASUL 4:32

Jemau percayau suati serupu'an galau. Nidau bediau sughang kia diau bekiciak, bansau setu diau adau di diautu retaunyau diau sughang, gegalaunyau sesamau ngempuau.

YUHANIS 17:8

Kici'an diau Dighi kiciakka ngan Aku, la Kukiciakka ngan ughangtu, mangku ughangtu la nerimaunyau. Ughangtu keruan nian asalKu jak di Dighi, mangku ughangtu percayau, Dighitu ngajung Aku.

YUHANIS 10:38

Anyautu amun Aku ngerjaukanyau, percayaula ngan kerjauKu, empuak kapu dighi nidau percayau ngan Aku. Mangku kapu dighi keruan ngan ngerti, bansau Bapak adau di dalam Aku, Aku di dalam BapakKu.”

YUHANIS 10:30

Aku ngan Bapak gi sughang.”

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

RUM 12:5

Luak itu pulau kitau. Empuak banyak, kitau cuman sutiak badan karnau seghundak ngan Keristus. Mangku bilang kitau dandananNyau luak dandanan sutiak badan.

1 YUHANIS 5:7

Ngan tigau carau Diau ngiciakkanyau:

RASUL 2:46

Idang aghi ughangtu maju seghundak di Ghuma Allah. Ughangtu makan, makan jamuan Tuhan jak di ghuma ke ghuma ngan riang ngan tulus ati.

YUHANIS 17:25

Bak diau adil, deniau nidau keruan Dighi, anyautu Aku keruan Dighi ngan ughangtu keruan, bansau Dighitu ngajung Aku.

YUHANIS 10:16

Masia adau agi bebiri lain ngan Aku diau nidau masuak sangkaran ini. Bebiri itu mesti Kubatak pulau, mangku bebiritu ka ndengaghka suarauKu. Gegalau bebiritu ka njadi seghundak ngan sughang tukang sayia.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

YUHANIS 5:23

mangku Anak diregaui gegalau jemau luak Bapak diregaui. Jemau diau nidau meregaui Anak itu, jemautu pulau nidau meregaui Bapak diau ngajung Ana'Au.

YUHANIS 3:17

Karnau Allah ngajung Ana'Au pegi ke deniau ukan endak ngadili, tapitu endak nyelamatkanyau karnau Diau.

YUHANIS 17:18

Aku ngajung ughangtu ke deniau, luak Dighi la ngajung Aku ke deniau.

YUHANIS 11:42

Aku keruan Dighi maju ndengaghka du'aKu, anyautu Aku ngiciakka ini batan endak jemau banyak diau adau di sini, supayau ughangtu percayau, bansau Dighitu ngajung Aku.”

YUHANIS 17:20

Aku ukan ndu'aka ughang ini ajau. Aku pulau ndu'aka jemau diau ka percayau ngan Aku karnau kici'an ughang ini.

1 KURINTUS 6:17

Anyautu amun jemau nyeghundakka diriau ngan Tuhan, ruahautu ngan Rua Tuhan njadi sutiak.

1 YUHANIS 1:3

Setu diau la kami kinak ngan dengagh, itu pulau kami kiciakka ngan kamu, supayau kamu pulau suijauan ngan kami, ngikut idup seghundak ngan Bapak ngan Ana'Au Yesus Keristus.

MARKUS 3:24

Amun nenggeri teceghai-beghai sangi bemusuan nenggeritu nidau ka ta'an.

YUHANIS 13:32

Amun Allah diagungka karnau Diau, Allah ka ngagungka Diau pulau karnau diriAu. Nyela, Allah ka cepat ngagungkaNyau.