YUHANIS 17:11 - PEJANJIAN EMPAI CERITAU ILUAK

¹¹ Mbak kini Aku njenguak Dighi. Akuni nidau agi di deniauni, anyautu ughangtu gi adau di deniauni. Bak, diau suci, sayiala ughangtu ngan kuasau namau Dighi, namau diau la Dighi namauka ngan Aku, supayau ughangtu njadi seghundak luak Kitau.

YUHANIS 17:11 Referans Kwoze

MATIUS 6:9

Bedu'ala luak ini: ‘Bapak kami diau di sergau, kami endak namau Dighi diregaui, karnau Dighi suci.

IBRANI 9:24

Keristus nidau masuak ke bada suci diau dibuat manusiau diau cuman gambar jak di bada suci diau sebenaghau. Diautu masuak sergau nian, mangku mbak kini Diau ngadap Allah batan endak kepentingan kitau.

IPISUS 4:4

Cuman adau sutiak badan ngan sutiak Rua. Luak itu pulau kamu dipilia batan endak ngaghapka setu diau semegi.

PILIPI 2:9

Karnau itu Allah ngagungka Diau seagung-agungau, dienjuakkaNyau kuasau. Besaklah kuasau itu sangkan gegalau kuasau diau lain.

YUHANIS 17:25

Bak diau adil, deniau nidau keruan Dighi, anyautu Aku keruan Dighi ngan ughangtu keruan, bansau Dighitu ngajung Aku.

YUHANIS 13:1

Mbak pagi di aghiau aghi rerayau Paska ka lasung, Yesus la keruan, bansau masauNyau la sampai Diau ninggalka deniau ini njenguak Bapa'Au. Yesus la nyayangi anak-buaHau, mangku Diau maju nyayangi ughangtu enggut pengabisanNyau.

IBRANI 1:3

Di Diautula tekinak keagungan Allah diau besinagh. Gegalau sipat Allah adau di Diau galau. Diautu pulau nyayia gegalaunyau ngan katauNyau diau bekuasau nian. Diautu dipakuka di kayu salip, mangku dusau manusiau pacak diabiska. Udim itu Diau duduak di sebela kanan Allah diau Mahakuasau di bada diau tinggi.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

YUHANIS 14:20

Aghitu pulau kamu ka ngeruani, bansau Aku dalam BapakKu ngan kamu dalam Aku, Aku pulau dalam kamu.

YUDAS 1:1

Jak di aku, Yudas, ading Yakubus, diau njadi budak Yesus Keristus. Aku nulis ini batan endak jemau diau dipilia ngan disayangi Allah Bapak ngan dijagaui batan endak Yesus Keristus.

1 YUHANIS 5:19

Kitau keruan, bansau kitauni asalau jak di Allah, empuak gegalau deniauni dikuasaui Iblis.

YAKUBUS 4:4

Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.

RASUL 3:21

Diau mesti mendam di sergau, enggut gegalaunyau dijadika empai, luak la dikiciakka Allah ngan nabiAu diau beresia senitu.

YUHANIS 13:3

Yesus keruan, bansau Bapa'Au la ngenjuakka gegalaunyau ngan Diau. Diau pulau keruan Diau asalau jak di Allah ngan baliak agi ke Allah.

PENGINA'AN 4:8

Empat benatangtu padau sikuak adau enam butiak sayap. Sayapautu penua ngan matau galau, di sebela dalamau pulau. Siang malam benatangtu nidau mandak-mandak benyanyi, kataunyau, “Suci, suci, sucila Tuhan, Allah diau Mahakuasau; Diau la adau jak di senitu enggut mbak kini ngan maju ka adau.”

1 PITRUS 1:5

Gegalaunyautu batan endak kamu, karnau kamu percayau ngan Allah, mangku kamu dijagaui kuasau Allah, supayau kamu nerimau keselamatan diau dinyatauka masau pengabisan saman.

GALATIA 3:28

Mangku nidau bediau bidahau, empuak jemau Yahudi empuak jemau ukan Yahudi, empuak budak empuak jemau bibas, empuak tinau empuak lanang. Gegalaunyau semegi karnau Yesus Keristus.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

RUM 12:5

Luak itu pulau kitau. Empuak banyak, kitau cuman sutiak badan karnau seghundak ngan Keristus. Mangku bilang kitau dandananNyau luak dandanan sutiak badan.

RUM 9:17

Dalam Injil Allah bekatau ngan Piraun, rajau Mesirtu, “Aku njadika kaba rajau, karnau Aku endak ngancakka kuasauKu di kaba, mangku namauKu dikeruani di gegalau deniau.”

YUHANIS 16:28

Nyela, asalKu jak di Bapak, mangku Aku la datang ke deniau. Anyautu mbak kini Aku ninggalka deniauni endak baliak njenguak Bapak.”

YUHANIS 7:33

Yesus ngiciak ngan jemau banyak di Ghuma Allah, katauNyau, “Tigha jerang agi Aku di guak kapu dighi. Udim itu Aku ka pegi njenguak diau ngajung Aku.

MATIUS 10:16

“Dengaghkala, Aku ngajung kamu luak bebiri pegi di pugan setuau. Karnau itu kamu mesti cerdiak luak ulagh ngan tulus luak burung darau.

MATIUS 5:48

Kamu mesti sempernau luak Bapak kamu di sergau.”

PENGINA'AN 19:12

MatauNyau luak maghak api. Di pucuak pala'Au banyak gitar emas. Di Diau ditulis namau diau nidau dikeruani sughang kiala lain jak di Diau itula.

PENGINA'AN 15:4

Sapau nidau takut ngan Dighi, Tuhan? Sapau enggup ngagungka namau Dighi? Cuman Dighi ajau diau suci. Gegalau bangsau ka datang nunduak nyemba Dighi, karnau carau Dighi diau adiltu la kina'an ngan gegalau jemau.”

YUDAS 1:24

Allah pacak njagaui kamu, supayau jangan bebuat dusau. Diau pacak mbata'i kamu ngan riang ngan nidau becacat ke badaHau diau agung.

1 YUHANIS 3:12

Jangan kamu luak anak Adam diau benamau Kain diau asalau jak di iblis ngan mbunua adingau. Mangku tuapau sebapau diau mbunua? Karnau kerjaunyautu ja'at galau, kerjau adingautu benagh.

YUHANIS 17:6

Aku la nyatauka namau Dighi ngan gegalau jemau jak di deniauni diau la Dighi enjuakka ngan Aku. Dighitu ngempu ughangtu, mangku Dighi la ngenjuakka ughangtu ngan Aku. Ughangtu la nuruti kici'an Dighi.

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.