YUHANIS 16:13 - PEJANJIAN EMPAI CERITAU ILUAK

¹³ Amun Rua Allah itu datang, Diau nyatauka Allah itu benagh. Kamu ka dibimbingAu ngeruani gegalaunyau diau benagh. Diau nidau ka ngiciak jak di diriAu, anyautu Diau ka ngiciakka setu diau didengaghAu, mangku Diau ka ngiciakka ngan kamu setu diau ka tejadi nanti.

YUHANIS 16:13 Referans Kwoze

YUHANIS 14:26

Anyautu Rua Allah, Penulung diau ka diajung Bapak atas namauKu, diautu ka ngajaghka gegalaunyautu ngan kamu ngan ngingatka gegalaunyau diau la Kukiciakka ngan kamu.

YUHANIS 14:17

Diau itu Rua Allah diau ka nyatauka, sapau Allah sebenaghau. Deniau nidau pacak nerimau Diau, karnau deniau nidau nginak Diau ngan ngeruani Diau. Anyautu kamuni ngeruani Diau, karnau Diau di guak kamu ngan mendam dalam kamu.

YUHANIS 15:26

Aku ka ngajung Penulung njenguak kamu diau asalau jak di Bapak. Diau ka nyatauka Allah sebenaghau. Amun Diau datang, Diau ka ngiciakka Aku.

1 YUHANIS 2:27

Mangku kamu la nerimau Rua Allah diau dienjuakka ngan kamu. Karnau itu nidau nanti kamu diajaghi jemau lain, karnau Ruatu ngajaghka gegalaunyau ngan kamu. Setu diau diajaghkatu benagh ukan mbu'ung. Mangku kamu mesti ta'at ngan setu diau diajaghkaNyautu. Luak itula kamu maju seghundak ngan Keristus.

1 YUHANIS 2:20

Kamu la nerimau Rua Allah jak di Keristus, mangku kamu la keruan diau benagh.

YUHANIS 12:49

Karnau Aku nidau ngiciak nurut rupu'anKunila, tapitu Bapak diau ngajung Aku Diautu ngajung Aku ngiciakka setu diau mesti Kukiciakka.

1 YUHANIS 4:6

Kitauni asalau jak di Allah. Jemau diau keruan Allah ndengagh kici'an kitau. Jemau diau ukan asalau jak di Allah nidau ndengaghka kici'an kitau. Luak itula kitau pacak mbidaka rua diau ngiciakka diau benagh ngan rua diau nyesatka.

YUHANIS 14:6

Katau Yesus, “Akunila jalan ngeruani Allah ngan idup nian. Nidau sughang kia diau pacak njenguak Bapak, amun nidau karnau Aku.

PENGINA'AN 1:19

Karnau itu tuliskala setu diau la kaba kinak, empuak diau tejadi mbak kini, empuak diau ka tejadi nanti.

YUHANIS 8:38

Aku ini ngiciakka setu diau la Kukinak di BapakKu. Kapu dighi pulau ngerjauka setu diau la kapu dighi dengaghka jak di bak kapu dighi.”

2 TESALUNIKA 2:3

Empuak luak manau, jangan kamu ditipuka jemau, karnau antak ka aghitu sampai, banyak jemau ka ngelipat ngan melawan Allah. Mangku ka adau sughang Jemau Ja'at diau ditetapka masuak ke nerakau.

PENGINA'AN 1:1

Inila ceritau diau dinyatauka Yesus Keristus nceritauka setu diau ka tejadi. Allah ngiciakkanyau ngan Keristus, mangku diancakkaNyau ngan budak-budak Allah setu diau mesti tejadi. Diautu ngajung malaikatAu endak nyataukanyau ngan Yuhanis, buda'Autu.

2 TESALUNIKA 2:12

Ikak itula gegalau jemau diau nidau percayau ngan setu diau benagh, galak mbuat ja'at ka diukum.

RASUL 27:24

kataunyau, ‘Nidau endak takut, Paulus, kaba mesti ngadap Kaisar. Mangku karnau keilu'an Allah, gegalau jemau diau adau di kapalni ngan kaba ka selamat karnau kaba.’

RASUL 20:23

Aku cuman keruan, setu diau dinyatauka Rua Allah di bilang kuta, bansau aku ka masuak jil ngan sengsarau.

YUHANIS 3:32

Diau ngiciakka setu diau la dikina'Au ngan didengaghAu, anyautu nidau bediau sughang kia diau percayau ngan kici'anNyautu.

RASUL 11:28

Jak di ughangtu adau sughang benamau Agabus. Diautu diajung Rua Allah ngiciakka, mbak bansau di gegalau deniau ka adau kelapaghan diau pansan. Titu tejadi masau Kaisar Kelaudius merinta.

YUHANIS 16:12

Gi banyak diau endak Kukiciakka ngan kamu, anyautu mbak kini kamu lum ka ta'an nerimaunyau.

IBRANI 1:1

Timpau senitu Allah la rajin ngajung nabi-nabi ngiciak ngan niniak puyang kitau makai serbau carau.

1 YUHANIS 5:6

Yesus Keristus itu la datang ke deniau ngan ayiak baptisanNyau ngan dagha kematianNyau; ukan ajau ngan ayiak, anyautu ngan ayiak ngan dagha. Rua Allah la ngiciakka, bansau itu benagh, karnau Rua itu nidau mbu'ung.