YUHANIS 15:4 - PEJANJIAN EMPAI CERITAU ILUAK

⁴ Mendamla kamu di Aku, mangku Aku mendam di kamu. Cangka nidau pacak bebua, amun nidau maju di batang anggur. Luak itula pulau kamu nidau pacak bebua, amun nidau mendam di Aku.

YUHANIS 15:4 Referans Kwoze

1 YUHANIS 2:6

Jemau diau bekatau, bansau diau idup seghundak ngan Allah, jemautu mesti menau Keristus.

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

YUHANIS 8:31

Mangku Yesus ngiciak ngan jemau Yahudi diau la percayau ngan Diau, katauNyau, “Amun kapu dighi idup nuruti ajaghanKu, kapu dighi njadi anak-buaKu nian.

2 YUHANIS 1:9

Jemau diau nidau nuruti ajaghan Keristus ngan nyimpang jak di situ, jemau itu nidau idup seghundak ngan Allah. Jemau diau maju nuruti ajaghan Keristus, jemautu seghundak ngan Allah Bapak ngan Ana'Au pulau.

YUHANIS 6:56

Jemau diau makan dagingKu ngan minum daghaKu, diautu seghundak ngan Aku, Aku ngan diau.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

YUHANIS 14:20

Aghitu pulau kamu ka ngeruani, bansau Aku dalam BapakKu ngan kamu dalam Aku, Aku pulau dalam kamu.

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

2 KURINTUS 13:5

Cubau uji diri kamu, apu kamu ngenian idup percayau ngan Keristus. Cengki kamu ka ngeruani, bansau Yesus Keristus adau di ati kamu, lain amun kamu nidau percayau nian.

KULUSI 2:6

Kamu la nerimau Yesus Keristus njadi Tuhan kamu. Karnau itu kamu mesti idup seghundak ngan Diau

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.

IPISUS 3:17

Mangku ati kamu njadi bada Keristus karnau kamu percayau ngan Diau, mangku gegalau kerjau kamu dikerjauka karnau nyayangi.

RASUL 11:23

Barnabas la sampai di Antiukia, diau nginak Allah iluak ngan ughangtu, mangku diau riang nian. Diau ngajung, supayau ughangtu maju ta'at ngan Tuhan ngan setia.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.

IBRANI 10:39

Kitauni jemau diau percayau mangku bulia idup, ukan jemau diau ngelipat mangku benasau.

MATIUS 12:33

“Batang diau kamu katauka iluak ngasilka bua diau iluak. Batang diau kamu katauka nidau iluak ngasilka bua diau nidau iluak. Bilang batang dikeruani jak di buahau.