YUHANIS 14:21 - PEJANJIAN EMPAI CERITAU ILUAK

²¹ Jemau diau nerimau perintaKu ngan nurutinyau, jemau itula nyayangi Aku. Mangku jemau diau nyayangi Aku ka disayangi BapakKu. Aku pulau ka nyayangi jemautu ngan nyatauka diriKu ngan diau.”

YUHANIS 14:21 Referans Kwoze

YUHANIS 14:15

“Amun kamu nyayangi Allah, kamu ka nuruti gegalau perintaKu.

1 YUHANIS 5:3

karnau nyayangi Allah dibuktika ta'at ngan Allah. Mangku perintaHau nidau segau,

1 YUHANIS 2:5

Jemau diau na'ati katau Allah nyayangi Allah nian. Itula tandaunyau kitau idup seghundak ngan Diau.

2 YUHANIS 1:6

Amun kitau sangi sayangi, kitau nuruti perinta Allah. Mangku perinta inila diau kamu dengagh jak di senitu, bansau kamu mesti idup ngan sangi sayangi.

YUHANIS 16:27

karnau Bapak pulau nyayangi kamu. Diau nyayangi kamu, karnau kamu nyayangi Aku ngan percayau, asalKu jak di Bapak.

LUKAS 11:28

Anyautu Yesus nimbal, “Riangla jemau diau ndengaghka katau Allah ngan na'atinyau.”

YUHANIS 15:14

Kamuni kantinKu, amun kamu ngerjauka tuapau diau Kuperintaka ngan kamu.

PENGINA'AN 3:20

Kina'ila, Aku betegak di mukau duaghau ngan nggagur. Amun adau jemau ndengagh suarauKu ngan mbukakka duaghau, Aku ka masuak betemu ngan diau. Mangku Aku makan ngan diau, diau ngan Aku.

PENGINA'AN 22:14

Riangla jemau diau nesa bajuau. Ughangtu bulia hak makan bua jak di batang diau ngenjuakka idup mangku masuak kutatu wuan mukau lawangau.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

PENGINA'AN 2:17

Jemau diau betelingau dengaghkala setu diau dikiciakka Rua Allah ngan jemau Keristen! Jemau diau menang ka Kuenjuakka makan makanan Mana diau tebuni, mangku Aku ka ngenjuakka ngan diau batu putia. Di batutu ditulis namau empai diau nidau dikeruani jemau lain jak di jemau nerimaunyau.’ ”

YUHANIS 17:23

Aku seghundak ngan ughangtu, Dighi seghundak ngan Aku, mangku ughangtu seghundak nian. Mangku deniau keruan, Dighitu ngajung Aku, Dighi nyayangi ughangtu, luak Dighi nyayangi Aku.

1 YUHANIS 3:1

Keruanila, Allah sayang nian ngan kitau, mangku kitau dikiciakka anak-anak Allah. Nyela, kitau anak Allah. Itula sebapau deniau nidau keruan kitau, karnau diau nidau keruan Allah.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

YUHANIS 16:14

Diau ka ngagungka Aku, karnau setu diau dikiciakkaNyau ngan kamu diterimauNyau jak di Aku.

YUHANIS 14:18

Aku nidau ka ngenangka kamu njadi anak umang. Nanti Aku ka ngulang njenguak kamu.

2 TIMUTIUS 4:22

Aku bedu'a, supayau Tuhan njagaui kamu ngan iluak nian ngan kamu.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

RASUL 22:18

Aku nginak Tuhan diau bekatau ngan aku, ‘Pegila, tinggalkala cecepat Yerusalim, karnau jemau di sini nidau ka nerimau kici'an kaba ceritau Aku.’

2 KURINTUS 12:8

La tigau kali aku mintak ngan Tuhan, supayau titu diambiak jak di aku.