YUHANIS 14:16 - PEJANJIAN EMPAI CERITAU ILUAK

¹⁶ Aku ka mintakka ngan Bapak, mangku Diau ka ngenju'i kamu Penulung lain diau ka adau guak kamu selelamaunyau.

YUHANIS 14:16 Referans Kwoze

YUHANIS 14:26

Anyautu Rua Allah, Penulung diau ka diajung Bapak atas namauKu, diautu ka ngajaghka gegalaunyautu ngan kamu ngan ngingatka gegalaunyau diau la Kukiciakka ngan kamu.

YUHANIS 15:26

Aku ka ngajung Penulung njenguak kamu diau asalau jak di Bapak. Diau ka nyatauka Allah sebenaghau. Amun Diau datang, Diau ka ngiciakka Aku.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

RUM 14:17

Amun Allah njadi rajau dalam idup jemau, makan diau aram ngan alal nidau penting agi. Diau penting nuruti kendak Allah, idup tenang ngan riang. Titu dienjuakka Rua Allah.

RASUL 9:31

Mangku jemau percayau di gegalau Yudia, Galilia ngan Samaria njadi tenang. Rua Allah nulung ughangtu njadi kuat ngan tamba banyak, karnau ughangtu idup takut ngan Tuhan.

1 YUHANIS 2:1

Ui, anak-buaku! Aku nulis itu ngan kamu, supayau kamu jangan mbuat dusau. Anyautu amun adau diau mbuat dusau, kitau adau sughang Penulung diau adil, diautu Yesus Keristus, diau endak mbenaghka kitau di adapan Allah Bapak.

YUHANIS 4:14

Jemau diau minum ayiak diau ka Kuenjuakka nidau ka aus agi selelamaunyau. Ayiak diau Kuenjuakkatu ka njadi matau-ayiak dalam idupau diau maju mancagh, mangku ngenjuakka idup selelamaunyau ngan jemau itu.”

MATIUS 28:20

ajaghkala ughangtu ngerjauka gegalaunyau diau la Kukiciakka ngan kamu. Ingatkala, Aku ka maju adau guak kamu enggut aghi kiamat.”

PILIPI 2:1

Kamu tegua, karnau seghundak ngan Keristus. Kamu riang, karnau disayangi Keristus. Kamu dibimbing Rua Allah mangku sangi sialka ngan sangi sayangi.

RUM 5:5

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

RASUL 13:52

Jemau percayau di Antiukia riang nianan ngan dikuasaui Rua Allah.

YUHANIS 17:15

Aku nidau mintak, supayau Dighi ngambiak ughangtu jak di deniauni, anyautu Aku mintak, supayau Dighi njagaui ughangtu jak di diau ja'at.

YUHANIS 14:18

Aku nidau ka ngenangka kamu njadi anak umang. Nanti Aku ka ngulang njenguak kamu.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

RUM 8:34

Apu adau diau pacak nyalaka ughangtu? Nidau bediau! Yesus Keristus la mati, tapitu la diidupka agi jak di mati, la duduak di sebela kanan Allah, mangku Diautu ka mbenaghka ughangtu.

YUHANIS 14:14

Tuapau kila diau kamu pintak atas namauKu ka Kuenjuakka.”

YUHANIS 17:20

Aku ukan ndu'aka ughang ini ajau. Aku pulau ndu'aka jemau diau ka percayau ngan Aku karnau kici'an ughang ini.

YUHANIS 16:22

Luak itula pulau ngan kamu: Mbak kini kamu dukau, anyautu Aku ka betemu agi ngan kamu, mangku ati kamu ka riang, mangku nidau sughang kia pacak ngambiak keriangan kamu.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

YUHANIS 7:39

Kici'an Yesus tadi ngiciakka Rua Allah diau ka dienjuakkaNyau ngan jemau diau percayau ngan Diau. Masau itu Rua Allah lum dienjuakka, karnau Yesus lum dinayiakka ngan diagungka.

RASUL 1:4

Masau Diau betunggal ngan ughangtu, diajungAu luak ini, “Jangan kamu pegi jak di Yerusalim. Tunggula di sini, enggut BapakKu ngenjuakka setu diau dijanjikaNyau diau la Kukiciakka ngan kamu senitu.

1 YUHANIS 2:27

Mangku kamu la nerimau Rua Allah diau dienjuakka ngan kamu. Karnau itu nidau nanti kamu diajaghi jemau lain, karnau Ruatu ngajaghka gegalaunyau ngan kamu. Setu diau diajaghkatu benagh ukan mbu'ung. Mangku kamu mesti ta'at ngan setu diau diajaghkaNyautu. Luak itula kamu maju seghundak ngan Keristus.

2 YUHANIS 1:2

karnau Allah diau benagh adau dalam ati kitau mangku ka maju adau ngan kitau selelamaunyau.