YUHANIS 13:34 - PEJANJIAN EMPAI CERITAU ILUAK

³⁴ Aku ngiciakka perinta empai ngan kamu: Kamu sangi sayangila sughang ngan diau lain. Aku la nyayangi kamu. Luak itula pulau kamu mesti sangi sayangi.

YUHANIS 13:34 Referans Kwoze

IPISUS 5:2

Idupla sangi sayangi luak Keristus nyayangi kitau. Diau la nyeraka nyawauNyau batan endak kitau njadi kerban diau iluak ngan melemakka ati Allah.

YUHANIS 15:17

Inila perintaKu ngan kamu: Sangi sayangila kamu.”

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

GALATIA 6:2

Betetulunganla kamu nanggungka beban jemau. Ngan carau luak itula kamu na'ati perinta Keristus.

1 YUHANIS 3:23

Ini diau diperintaka Allah: Kitau mesti percayau ngan Ana'Au Yesus Keristus. Kitau pulau mesti sangi sayangi, luak la diajung Keristus.

1 YUHANIS 4:21

Mangku perinta inila dienjuakka Tuhan ngan kitau: Jemau diau nyayangi Allah, mesti nyayangi kantinau pulau.

YAKUBUS 2:8

Amun kamu nuruti ukum diau penting ini diau ditulis di Injil, “Sayangila kantin kaba, luak kaba nyayangi diri kaba”, kamu ngerjauka setu diau iluak.

1 TESALUNIKA 3:12

Kami bedu'a, supayau Tuhan mbuat kamuni tamba sangi sayangi ngan nyayangi gegalau jemau, mangku kamu nyayangi nian, semegi luak kami nyayangi kamu.

RUM 12:10

Kamu mesti sangi sayangi luak jemau duau beghading, simbang-cepat sangi regaui.

2 YUHANIS 1:5

Karnau itu, aku mintak nian, supayau kitau sangi sayangi. Ini ukan perinta diau empai. Perinta ini dikiciakka ngan kitau jak kitau empai percayau senitu.

GALATIA 6:10

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

1 YUHANIS 3:11

Jak di senitu la dikiciakka ngan kamu pesan ini: Kamu mesti sangi sayangi.

IBRANI 13:1

Sangi sayangila kamu, ui jemau Keristen!

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

2 PITRUS 1:7

Ta'at ngan Allah ditamba ngan sayang ngan kantin diau suagamau. Sayang ngan kantin kamu ditamba ngan sayang ngan gegalau jemau.

KULUSI 1:4

karnau kami la ndengagh ceritau kamu percayau ngan Yesus Keristus ngan kamu nyayangi gegalau umat Allah.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

YUHANIS 17:21

Bak, Aku mintak, supayau gegalau ughangtu njadi seghundak, luak Dighi seghundak ngan Aku, Aku seghundak ngan Dighi. Aku endak ughangtu seghundak ngan kitau, mangku deniau percayau, bansau Dighi ngajung Aku.

MATIUS 5:44

Anyautu mbak kini Aku bekatau ngan kamu: Sayangila musua kamu ngan du'akala jemau diau meluatka kamu.

RUM 13:8

Jangan beutang tuapau-apau ngan sapau kila. Cuman semecam ini diau mesti kamu kerjauka: sangi sayangi. Karnau jemau diau nyayangi kantinau la na'ati gegalau ukum Taurat.

RUM 13:10

Jemau diau nyayangi kantinau nidau ka ngerjauka setu diau ja'at ngan diau. Karnau itu jemau diau nyayangi kantinau la nuruti ukum Taurat.