YUHANIS 12:43 - PEJANJIAN EMPAI CERITAU ILUAK

⁴³ Ughangtu galakla dipuji manusiau sangkan dipuji Allah.

YUHANIS 12:43 Referans Kwoze

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

YUHANIS 5:41

Aku ukan ndalak puji ngan jemau.

LUKAS 16:15

Mangku Yesus bekatau ngan ughangtu, “Kapu dighini jemau diau endak kina'an benagh di mukau jemau, anyautu Allah keruan isi ati kapu dighi. Karnau setu diau dianggap manusiau iluak diluatka Allah.

1 TESALUNIKA 2:6

Kami nidau kekela mintak dipuji manusiau, empuak jak di kamu, empuak jak di jemau lain. Sebenaghau kami behak mintak setu jak di kamu, karnau kamini rasul Keristus.

2 KURINTUS 10:18

Jemau diau dipuji Tuhan ta'an uji ukan jemau diau muji diriau.

MATIUS 6:2

Amun kaba ngenjuak ngan jemau, jangan kaba siarka ngan jemau lain, luak diau dikerjauka jemau diau cak iluak di ghuma-ghuma sembayang ngan di jalan besak, mangku dipuji jemau. Keruanila, ughangtu la nerimau upahau.

1 KURINTUS 4:5

Itula sebapau, jangan kamu cepat ngakimi jemau, amun lum masaunyau, antak ka Tuhan datang. Diautu ka nginakka gegalaunyau diau dibunika di keleman. Diau ka ngancakka gegalaunyau diau direncanauka dalam ati manusiau. Masau itula bilang jemau ka nerimau jak di Allah pujian diau pantas diterimau.

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

YUHANIS 8:54

Yesus nimbal, “Misalau Aku muji diriKu, dikit kiala nidau bediau gunaunyau. Diau muji Aku Bapak diau kapu dighi kiciakka Allah kapu dighi.

LUKAS 19:17

Rajautu bekatau ngan anak-buahautu, ‘Iluak, kaba anak-bua diau belagham. Setu diau keciak kaba pacak dipercayaui, karnau itu aku ka ngajung kaba nguasaui sepulua kuta.’

1 PITRUS 3:4

Anyautu kualapan kamu semestiau nimbul jak di ati ngan carau diau iluak ngan tenang. Itu kualapan diau tetap diau beregau nian di adapan Allah.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

YUHANIS 7:18

Jemau diau ngajaghka ajaghannyau sendighi mintak diregaui batan endak diriau sendighi, anyautu jemau diau ndalak pujian batan endak jemau diau ngajungau diautu benagh, nidau endak nian mbu'ung.

RUM 2:29

Anyautu jemau diau ngenian Yahudi, jemau diau jiwahau jemau Yahudi. Sunat diau ngenian, sunat di ati diau dikerjauka Rua Allah ukan diau dikerjauka nurut setu diau ditulis di kitab. Mangku jemau luak itu dipuji Allah, ukan dipuji manusiau.