YUHANIS 10:3 - PEJANJIAN EMPAI CERITAU ILUAK

³ Penunggu sangkaran mbukakka duaghau, mangku tukang sayia masuak. Bebiri ka ndengagh suaraunyau, dipantaunyau bebiriau ngan namaunyau sikuak-sikuak, mangku dibata'inyau keluagh.

YUHANIS 10:3 Referans Kwoze

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

YUHANIS 10:4

La udim bebiriautu dibata'i keluagh galau, diau bejalan di mukaunyau, mangku bebiri itu ngikut diau, karnau bebiritu kecinauan suaraunyau.

YUHANIS 10:16

Masia adau agi bebiri lain ngan Aku diau nidau masuak sangkaran ini. Bebiri itu mesti Kubatak pulau, mangku bebiritu ka ndengaghka suarauKu. Gegalau bebiritu ka njadi seghundak ngan sughang tukang sayia.

YUHANIS 10:14

Akunila tukang sayia bebiri diau iluak lagi ngarap. Aku keruan bebiriKu, bebiriKu keruan Aku.

PENGINA'AN 3:20

Kina'ila, Aku betegak di mukau duaghau ngan nggagur. Amun adau jemau ndengagh suarauKu ngan mbukakka duaghau, Aku ka masuak betemu ngan diau. Mangku Aku makan ngan diau, diau ngan Aku.

PENGINA'AN 7:17

Karnau Anak Bebiri diau adau di tetengaan kerusi rajautu ka nyayia ughangtu ngan mbata'i ughangtu ke matau-ayiak diau ngenjuakka idup. Mangku Allah ka ngusu'i ayiak matau jak di matau ughangtu.”

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

YUHANIS 6:45

Dalam kitab nabi-nabi ditulis luak ini: ‘Gegalau jemau ka diajagh Allah.’ Mangku jemau diau ndengagh Bapak ngan belajagh jak di Diau, jemautu ka datang njenguak Aku.

YUHANIS 6:37

Gegalau jemau diau dienjuakka Bapak ngan Aku ka datang njenguak Aku, mangku jemau diau njenguak Aku, cetau nidau ka Kutulak.

PENGINA'AN 20:15

Mangku bilang jemau diau nidau ditulis namaunyau dalam kitab jemau iduptu dicapakka ke dalam laut apitu.

KULUSI 4:3

Du'akala pulau kami, supayau kami pacak ngiciakka ceritau resiau Keristus. Ikak aku ngerjauka titu, aku dijilka.

PILIPI 4:3

Ngan kaba Sunsugus, kantinku diau pacak dipercayaui, aku mintak, supayau kaba nulung ughang duautu. Ughang duautu la sesamau bekerjau ngan aku endak ngiciakka ceritau iluak jak di Allah luak Kelimines ngan gegalau jemau lainau diau bekerjau ngan aku. Namau ughangtu la adau di buku jemau idup.

1 PITRUS 1:12

Ngan nabi-nabi itu la dikiciakka, bansau setu diau ughangtu kerjauka ukan batan endak kepentingan ughangtula, tapitu batan endak kamu. Setu diau kamu dengagh mbak kini jak di jemau diau ngiciakka ceritau iluak nceritauka Yesus Keristus. Ughangtu ngiciakka itu ngan kamu ngan kuasau Rua Allah diau dienjuakka jak di sergau. Malaikat-malaikat pulau endak ngeruani ceritau diau dikiciakka ughangtu.

1 KURINTUS 16:9

karnau mbak kini banyak jalan tebukak batan endak ngerjauka kerjau diau penting, empuak adau banyak diau melawan.

YUHANIS 10:9

Akuni umpamau duaghau. Jemau diau masuak jalan Aku ka selamat, diau masuak ngeluagh mangku bulia makanan.

1 YUHANIS 4:6

Kitauni asalau jak di Allah. Jemau diau keruan Allah ndengagh kici'an kitau. Jemau diau ukan asalau jak di Allah nidau ndengaghka kici'an kitau. Luak itula kitau pacak mbidaka rua diau ngiciakka diau benagh ngan rua diau nyesatka.

3 YUHANIS 1:14

Aku ngaghap nidau lamau agi ka betemu ngan kaba, mangku kitau pacak ngiciak.