YUHANIS 1:51 - PEJANJIAN EMPAI CERITAU ILUAK

⁵¹ Mangku Yesus bekatau agi, “Percayaula nian ngan katauKu ini: Kaba ka nginak langit tebukak ngan malaikat-malaikat Allah nayiak tughun ke Anak Manusiau.”

YUHANIS 1:51 Referans Kwoze

RASUL 7:56

“Ngenian,” katau Setipanustu, “Aku nginak langit tebukak ngan Anak Manusiau betegak di sebela kanan Allah.”

LUKAS 22:43

Mangku sughang malaikat datang jak di sergau nguatka Diau.

LUKAS 2:13

Mangku adau malaikat banyak nianan ngan malaikat tadi diau muji-muji Allah, kataunyau,

MARKUS 14:62

Yesus nimbal, “Akula Diau. Kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban jak di langit.”

MARKUS 1:10

Diau dang ngeluagh jak di ayiaktu, Diau nginak langit tebukak, mangku Rua Allah tughun luak burung darau inggap di Diau.

MATIUS 3:16

La udim dibaptis, Yesus ngeluagh jak di ayiak. Masau itu pulau langit tebukak, mangku Yesus nginak Rua Allah tughun luak burung darau inggap di Diau.

RASUL 10:11

Diautu nginak langit tebukak, mangku adau setu luak kain libagh diau ditughunka tegerintung di empat jughuau.

LUKAS 3:21

Masau jemau banyak itu dibaptis, Yesus dibaptis pulau. Diau dang bedu'a, langit tebukak.

MATIUS 4:11

Udim itu Iblis pegi jak di Diau, mangku malaikat-malaikat datang nepi'i Diau.

PENGINA'AN 19:11

Mangku aku nginak sergau tebukak, ngenian adau sikuak kudau putia. Jemau diau nayi'inyau benamau “Diau Setia ngan Benagh”. Diautu ngukum ngan beperang adil.

PENGINA'AN 4:1

La udim itu aku tekinak agi. Aku nginak adau duaghau tebukak di sergau, mangku aku ndengagh agi suarau diau la kudengagh empaini, muniau luak terumpit, kataunyau, “Mela, nayiakla ke sini, mangku aku ka nunjuakka ngan kaba setu diau mesti tejadi nanti.”

2 TESALUNIKA 1:7

Mbak kini kitau diau sengsarau. Allah ka mbibaska kitau nanti, masau Tuhan Yesus tughun jak di sergau ngan malaikatAu diau bekuasau.

LUKAS 2:9

Malaikat Tuhan datang guak ughangtu, mangku terang Tuhan besinagh nerangi ughangtu. Tukang sayia bebiritu takut kematila.

IBRANI 1:14

Amun luak itu, malaikattu sapau sebenaghau? Ughangtu rua diau bekerjau batan endak Allah, diajungAu nulung jemau diau ka diselamatka.

1 TIMUTIUS 3:16

Agung nianan resiau agamau kitau, Diau ngancakka diriAu ngan rupau manusiau, dibenaghka Rua Allah, dikinak malaikat-malaikat, dikiciakka ngan bangsau-bangsau diau nidau keruan Allah, dipercayaui di gegalau deniau, diangkat ke sergau bada diau agung.

YUHANIS 10:1

“KatauKu ini benagh: Jemau diau masuak sangkaran bebiri nidau jalan duaghau, anyautu nayiak kandang, jemautu pemaling ngan perampuk.

LUKAS 22:69

Mulai mbak kini Anak Manusiau ka duduak di sebela kanan Allah diau Mahakuasau.”

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

YUDAS 1:14

Hinuk, pengadau piyut Adam, senitu la ngiciakka ughangtu, kataunyau, “Kina'ila, Tuhan datang ngan beribu-ribu malaikatAu diau suci

2 TESALUNIKA 1:9

Ughangtu ka benasau selelamaunyau, dicapakka keluagh jak di guak Tuhan, jak di kuasauNyau diau agung.

YUHANIS 14:12

Ngenian katauKu ini: Jemau diau percayau ngan Aku ka ngerjauka setu diau la Kukerjauka, gi banyak setu diau lebia besak agi ka dikerjaukanyau. Aku pegi njenguak Bapak,

YUHANIS 6:47

Ingatkala, jemau diau percayau bulia idup empai selelamaunyau.

LUKAS 24:4

Penarau ughangtu gi betegak di situ ngan bingung merupuakkanyau, adau duau ughang betegak guak ughangtu, bajuau besinagh-sinagh.

MATIUS 26:24

Nyela, Anak Manusiau ka mati nendiau, luak la ditulis dalam Injil. Anyautu celakaula jemau diau njualka Anak Manusiautu. Iluakla diau nidau dilahirka.”

YUHANIS 21:18

Percayaula ngan katauKu ini: Masau kaba gi mudau, kabanila ngenauka bebat kaba, pegi ke manau ajau kaba endak. Amun kaba la tuau, kaba nyurungka tangan kaba, mangku jemau lain ngebat kaba, mbatak kaba ke bada kaba enggup pegi!”

YUHANIS 8:51

Ngenian katauKu ini: Jemau diau nuruti kici'anKu nidau ka mati selelamaunyau.”

YUHANIS 6:32

Mangku Yesus ngiciak ngan ughangtu, katauNyau, “KatauKu ini benagh: Ukan Musa diau ngenju'i kapu dighi makanan jak di sergau, anyautu BapakKutu diau ngenju'i kapu dighi makanan diau ngenianau jak di sergau.

YUHANIS 3:5

Yesus nimbal, katauNyau, “KatauKu ini benagh: Amun jemau nidau dilahirka jak di ayiak ngan Rua Allah, diau nidau pacak njadi angguta umat Allah.

YUHANIS 16:20

Kici'anKu ini benagh nian: Kamu ka nangis berandaian, anyautu deniau ka riang. Kamuni ka temas, anyautu temas kamutu ka beghuba njadi riang.

YUHANIS 13:16

Nyela nian katauKu ini: Sughang budak nidau lebia bekuasau jak di tuanau, mangku jemau diau diajung nidau lebia penting jak di jemau diau ngajungau.

YUHANIS 10:7

Mangku Yesus ngiciak agi, katauNyau, “Keruanila ini: Akuni umpamau duaghau masuak sangkaran bebiri itu.

YUHANIS 6:53

Mangku Yesus ngiciak ngan ughangtu, “Percayaula nian: Amun kapu dighi nidau makan daging Anak Manusiau ngan minum daghaHau, kapu dighi nidau ka pacak idup ngenianau.

YUHANIS 5:27

Mangku Diau pulau la ngenjuakka ngan Diau kuasau ngadili, karnau Diautu Anak Manusiau.

YUHANIS 5:19

Mangku Yesus ngiciak agi ngan ughangtu, katauNyau, “Nyela nian kici'anKu ini: Anak nidau pacak ngerjauka tuapau-apau ngan kenda'Au sendighi. Diau ngerjauka ajau setu diau dikina'Au diau dikerjauka Bapak, karnau setu diau dikerjauka Bapak, itula pulau dikerjauka Ana'Au.

YUHANIS 3:3

Yesus bekatau, “KatauKu ini benagh: Amun jemau nidau ngulang dilahirka, diau nidau pacak njadi angguta umat Allah.”

MATIUS 9:6

Anyautu Akuni ka ngajung jemau ini bangun, supayau kapu dighi keruan, bansau Anak Manusiau bekuasau di deniauni ngabiska dusau.” Mangku Diau ngiciak ngan jemau lumpua itu, katauNyau, “Bangunla kaba, katangkala penjagang kaba, mangku baliakla ke ghuma kaba!”

MATIUS 8:20

Katau Yesus, “Landak adau lubangau, burung adau saghangau, anyautu Anak Manusiau endiak bediau badaHau.”

YUHANIS 16:23

Aghi itu kamu nidau ka betanyau tuapau-apau agi ngan Aku. Ngenian katauKu ini: Tuapau kila diau kamu pintak ngan Bapak atas namauKu, titu ka dienjuakka Bapak ngan kamu.

YUHANIS 13:38

Katau Yesus, “Luak manau kaba endak ngenjuakka nyawau kaba batan endak Aku? Aku bekatau sebenaghau: Antak ka ayam bekukuak, kaba la tigau kali nidau ngaku'i Aku.”

YUHANIS 8:58

Yesus nimbal, katauNyau, “KatauKu ini benagh: Antak ka Abraham adau, Aku la adau.”

YUHANIS 8:34

Yesus bekatau ngan ughangtu, “Percayaula katauKu ini: Jemau diau bebuat dusau jemautu budak dusau.

YUHANIS 6:26

Yesus nimbal, “Ngenian, kapu dighi ndala'i Aku, ukan karnau la ngerti tandau-tandau diau Kukerjauka, tapitu karnau kapu dighi la makan ruti enggut kenyang.

YUHANIS 1:50

Yesus bekatau, “Kaba percayau, karnau Aku la ngiciakka, bansau Aku la nginak kaba di bawa batang aghau tadi? Kaba ka nginak setu diau lebia besak agi jak di itu tadi!”