YUDAS 1:23 - PEJANJIAN EMPAI CERITAU ILUAK

²³ Selamatkala ughangtu jak di api nerakau. Tariakla ughangtu ke jalan diau benagh. Jemau lain mesti kamu sialka pulau ngan peghasauan takut. Anyautu luatkala bekakas ughangtu diau la dikumuhi serilau endak bedusau.

YUDAS 1:23 Referans Kwoze

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

1 KURINTUS 15:33

Jangan kamu tetipu! Amun bekantin ngan jemau jedit, itu merusakka perembak diau iluak!

PENGINA'AN 3:4

Anyautu di Sardis adau pulau jemau diau nidau ngumuhi bajuau. Jemautu ka bejalan ngan Aku, pakai baju putia, karnau pantas batan endak itu.

PENGINA'AN 3:18

Karnau itula aku negughi kaba, supayau kaba mbeli jak di Aku emas diau asli, la diuji dalam api, mangku kaba njadi kayau. Mangku belila pulau baju putia, supayau kaba makaiau, mangku jangan kina'an kaba telanjang diau malukatu. Mangku belila pulau minyak batan endak mbasua matau kaba, mangku kaba pacak nginak.

RUM 11:14

Aghapanku, supayau bangsauku njadi sengit. Mangku ngan carau luak itu aku pacak nyelamatka separau jak di ughangtu.

2 TESALUNIKA 3:14

Amun adau jemau diau enggup nuruti setu diau kami kiciakka dalam surat ini, sepepadaula ngan jemautu. Jangan sekantin ngan diau, mangku diau maluan.

1 KURINTUS 3:15

Amun kerjaunyau mutung, diau ka rugi. Diautu ka diselamatka, anyautu luak jemau diau luput jak di api.

2 KURINTUS 5:11

Kami keruan retiau takut ngan Tuhan. Karnau itu kami beusaha meyakinka jemau. Allah keruan ati kami, mangku aku ngaghap kamu pulau keruan kami dalam ati kamu.

2 YUHANIS 1:11

Karnau jemau diau ngiciakka selamat ngan jemau luak itu tuikut pulau ngerjauka kerjau diau ja'attu.

YUDAS 1:22

Sialkala jemau diau asau-asau.