YAKUBUS 4:4 - PEJANJIAN EMPAI CERITAU ILUAK

⁴ Ui, kamu jemau diau nidau ta'at! Apu kamu nidau keruan, amun bekantin ngan deniau, njadi musua Allah? Jemau diau bekantin ngan deniau bemusuan ngan Allah.

YAKUBUS 4:4 Referans Kwoze

RUM 8:7

Amun ati jemau dikuasaui serilau manusiau, diau bemusuan ngan Allah, karnau diau nidau na'ati ukum Allah, nyela, diau nidau pacak ta'at ngan ukum Allah.

GALATIA 1:10

Luak manau akuni? Apu aku ngaghapka diregaui manusiau? Ukan, dikit kiala nidau. Aku cuman ngaghapka diregaui Allah. Apu aku beusaha melemakka ati manusiau, mangku dipuji jemau? Amun aku masia ngerjauka kerjau luak itu, aku ukan budak Keristus.

YUHANIS 15:19

Misalau kamu semegi ngan jemau di deniau, cengki deniau ka nyayangi kamu, karnau kamu semegi ngan deniau. Anyautu karnau Aku la milia kamu jak di deniauni, kamu ukan semegi ngan deniau. Itula sebapau deniau luat ngan kamu.

MATIUS 6:24

Nidau sughang kia pacak njadi anak-bua duau jemau, karnau amun luak itu, diau ka sayang ngan diau sughang diau sughang agi nidau. Diau ka setia ngan diau sughang ngan diau sughang agi nidau. Kamu nidau pacak bekerjau batan endak Allah ngan batan endak retau bendau pulau.”

YUHANIS 17:14

La Kukiciakka ngan ughangtu kici'an Dighi, mangku deniau meluatka ughangtu, karnau ughangtu nidau jak di deniau, luak Aku pulau nidau jak di deniau.

YAKUBUS 1:27

Keta'atan agamau diau ngenian nurut Allah Bapak, itu nulung jemau anak umang ngan randau diau sengsarau ngan njagaui diri, mangku jangan dirusakka deniau.

RUM 5:10

Masau kitau gi bemusuan ngan Allah, kitau la didamaika karnau Ana'Au mati batan endak kitau, apau agi mbak kini kitau diau la seilu'an ngan Allah, cengki kitau ka diselamatka karnau Keristus idup.

MATIUS 16:4

Alaka ja'at ngan jeditau jemau mbak kini. Kapu dighi mintak Aku mbuat tandau nyelia. Anyautu kamu nidau ka dienjuakka sutiak kia tandau nyelia, lain jak di tandau nabi Yunus.” Udim ngiciak luak itu, Yesus pegi ninggalka ughangtu.

YUHANIS 7:7

Jemau di deniauni nidau ka adau meluatka kamu. Anyautu Aku diau diluatka jemau, karnau Aku maju ngiciakka ngan jemau, bansau peremba'au ja'at.

LUKAS 19:27

Mangku mbak kini batakla ke sini musua-musuaku diau nidau tetuju aku njadi rajaunyau. Bunuala gegalau ughangtu di adapanku.’ ”

MATIUS 12:39

“Alaka ja'at jemau mbak kini.” Katau Yesus ngan ughangtu, “Kapu dighi mintak tandau nyelia, anyautu nidau ka bulia lain jak di tandau nabi Yunus.

1 KURINTUS 1:20

Mangku tuapau retiau jemau pintar? Tuapau retiau jemau beilmu ngan jemau pintar ngiciak? Allah la nyatauka, bansau kepintaran manusiau nidau bediau retiau.

1 KURINTUS 1:21

Luak manau kila pintar manusiau, diau nidau ka pacak keruan Allah ngan kepintarannyautu. Anyautu karnau Allah bepengertian, Diau endak nyelamatka jemau diau percayau ngan Diau karnau ceritau iluak diau dianggap deniau kici'an bigal.