YAKUBUS 1:21 - PEJANJIAN EMPAI CERITAU ILUAK

²¹ Karnau itu capakkala gegalaunyau diau nidau iluak ngan ja'at diau banyak nian. Terimaula ngan riang katau Allah dalam ati kamu, karnau katau itu adau kuasau nyelamatka kamu.

YAKUBUS 1:21 Referans Kwoze

IPISUS 4:22

Karnau itu capakkala manusiau lamau ngan carau idup senitu diau dirusakka serilau diau sesattu.

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

1 PITRUS 2:11

Kantin-kantinku diau kusayangi. Kamu jemau pendatang ngan perantau di deniau ini. Karnau itu aku mintak nian, supayau kamu jangan nuruti serilau manusiau diau maju beperang melawan rua.

YUHANIS 6:63

Rua Allahtu diau ngenjuakka idup. Kekuatan manusiau nidau bediau gunaunyau. Kici'anKu ini diau Kukiciakka ngan kapu dighi asalau jak di Rua Allah diau ngenjuakka idup.

1 PITRUS 2:1

Karnau itu capakkala jak di kamu gegalaunyau diau ja'at. Jangan agi mbu'ung, jangan cak iluak, jangan sengit, jangan ngupatka jemau.

IBRANI 12:1

Mangku kitauni banyak nian cuntau, jemau diau percayau tadi. Karnau itu mela kitau pulau ncapakka gegalaunyau diau mbeghati kitau ngan dusau diau maju melekat ngan kitau. Mela kitau maju betanding ngan tekun petandingan diau kitau ikuti.

YAKUBUS 4:8

Pasighila Allah, mangku Allah masighi kamu. Beresiakala tangan kamu, ui, kamu diau bedusau! Beresiakala rupu'an kamu diau nidau tetap.

TITUS 2:11

Keilu'an Allah diau nyelamatka gegalau manusiau la dinyatauka.

RUM 1:16

Aku percayau nian ceritau iluak itu, karnau di ceritau iluaktu adau kuasau Allah diau nyelamatka gegalau jemau diau percayau, jemau Yahudi kudai, mangku jemau bangsau lain pulau.

IBRANI 4:2

Ceritau iluak itu la dikiciakka ngan kitau luak diau la dikiciakka ngan ughangtu. Anyautu nidau bediau gatiau ceritautu dikiciakka, amun jemau diau ndengaghau nidau percayau.

IBRANI 2:3

Apau agi ngan ceritau selamat. Hibatla ceritau itu sangkan katau Allah tadi! Amun kitau nidau meratika nian ceritau selamattu, cetau kitau ka diukum. Tuhan itula diau dulu sekali ngiciakka ceritau selamattu, mangku jemau diau la ndengaghau senitu la mbuktika ngan kitau, bansau ceritautu benagh.

1 KURINTUS 15:2

Amun kamu nuruti nian setu diau kukiciakka ngan kamu, mangku ceritau iluaktu ka nyelamatka kamu. Amun kamu nidau nurutinyau, nidau bediau gunaunyau kamu njadi jemau percayau.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

YUHANIS 6:68

Katau Simun Pitrus, “Tuhan, amun kami pegi, kami njenguak sapau? Kici'an Dighi ajau diau ngenju'i idup empai selelamaunyau!

1 TESALUNIKA 2:13

Adau semecam agi diau mbuat kami beterimau-kasia ngan Allah. Masau kami ngiciakka ngan kamu ceritau jak di Allah, kamu ndengagh ngan nerimau ceritautu, ukan luak kici'an manusiau, tapitu luak ceritau jak di Allah. La nyela nian katau Allah. Diautu dang bekerjau dalam ati kamu diau percayau.

2 KURINTUS 7:1

Kantin-kantinku diau kusayangi. Gegalau janji itu batan endak kitau. Karnau itu mela kitau mberesiaka diri kitau jak di gegalaunyau diau ngumuhi ati ngan rua kitau. Kitau mesti takut ngan Allah, mangku kitau pacak idup beresia batan endak Allah.

RASUL 13:26

Ui, kapu dighi pengadau Abraham ngan kapu dighi diau lain diau ta'at ngan Allah. Ceritau keselamatan la dikiciakka ngan kitau.

1 PITRUS 1:9

Kamu riang, karnau tujuan iman kamu la tecapai, titu keselamatan jiwa kamu.

RUM 11:17

Separau cangka kayu saitun diau iluak diau diumpamauka jemau Yahudi la ditetak. Mangku cangka kayu diau karut dicangkuakka di guak teta'an tadi. Kamu diumpamauka cangka cangku'antu, mangku kamu idup jak di batang diau iluak.

RASUL 10:33

Mangku aku ngajung jemau cepat pegi njenguak dighi, mangku dighi la datang ke sini ngan riang. Mbak kini gegalau kami la betunggal galau di sini di adapan Allah endak ndengaghka gegalaunyau diau Allah ajung dighi kiciakka ngan kami.”

MATIUS 5:5

Riangla jemau diau ngensian, karnau diau ka ngempu deniau.

1 TESALUNIKA 1:5

Kami ngiciakka ceritau iluak itu ngan kamu ukan ngan katau ajau, tapitu pulau ngan kuasau Rua Allah. Kami percayau nian ceritau iluak itu benagh. Kamu keruan, luak manau kami idup guak kamu batan endak nulung kamu.

IPISUS 5:4

Nidau pantas kamu ngiciakka setu diau kumua ngan nidau senangaian ngan kici'an bigal. Tapitu kamu mesti beterimau-kasia ngan Allah.

IPISUS 4:25

Karnau itu, jangan agi mbu'ung. Kiciakkala diau benagh sughang ngan diau lain, karnau kitau angguta badan Keristus galau.

YAKUBUS 5:20

ingatkala, jemau diau mbuat jemau bedusau ngelipat jak di jalanau diau sesat, jemautu nyelamatka jemau diau bedusautu jak di kematian, mangku banyak dusau diabiska.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.