YAKUBUS 1:18 - PEJANJIAN EMPAI CERITAU ILUAK

¹⁸ Nurut kenda'Autula Diau njadika kitau ngan pirmanAu diau benagh. Diau ngerjauka titu, supayau kitau bulia bada diau iluak sekali jak di gegalaunyau diau la dijadikaNyau.

YAKUBUS 1:18 Referans Kwoze

1 PITRUS 1:23

Karnau katau Allah diau idup selelamaunyau kamu la dijadika manusiau empai diau adau ukan karnau manusiau diau ka mati, tapitu karnau Bapak diau selelamaunyau.

YUHANIS 1:13

Ughangtu njadi anak Allah ukan ngan carau manusiau, ukan pulau karnau dikenda'i sughang jemau lanang, anyautu idup itu asalau jak di Allah.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

PENGINA'AN 14:4

Ughangtu jemau diau nidau ncampur ngan tinau, masia beresia luak perawan. Ughangtu ngikut Anak Bebiritu ke manau kila Diau pegi. Ughangtu ditebus jak di manusiau njadi luak tandau beterimau-kasia diau dulu sekali dienjuakka batan endak Allah ngan Anak Bebiritu.

IPISUS 1:12

Mangku kami diau dulu sekali ngaghapka Keristustu ngagungka Allah karnau Diau agung.

1 YUHANIS 3:9

Jemau diau la njadi anak Allah nidau agi bebuat dusau. Sipat Allah itula adau di diau, mangku diau nidau agi bedusau, karnau la njadi anak Allah.

IBRANI 12:23

Kamu ngikut tunggalan diau riang nian, tunggalan anak-anak tuau diau namaunyau la ditulis di sergau. Kamu betunggal ngan jemau senitu diau la disempernauka. Kamu ngadap Allah, akim gegalau manusiau.

YAKUBUS 1:21

Karnau itu capakkala gegalaunyau diau nidau iluak ngan ja'at diau banyak nian. Terimaula ngan riang katau Allah dalam ati kamu, karnau katau itu adau kuasau nyelamatka kamu.

1 KURINTUS 4:15

Empuak kamu beribu-ribu guru, bak kamu cuman sughang. Akunila bak kamu, karnau aku ngiciakka ceritau Keristus ngan kamu senitu, mangku kamu percayau.

RUM 4:17

Di Injil ditulis luak ini, “Aku njadika kaba bak banyak bangsau.” Luak itu janji Allah ngan Abraham, mangku Abraham percayau ngan Diau. Diautu Allah diau ngidupka jemau mati ngan njadika setu diau nidau bediau njadi adau ngan kici'an ajau.

2 KURINTUS 6:7

Kami ngiciakka ceritau jak di Allah ngan kuasau Allah. Perembak kami diau iluak njadi pakaian kami endak nyerang ngan mbenaghka diri kami.

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

2 TIMUTIUS 2:15

Usahakala, supayau kaba dianggap pantas bekerjau batan endak Allah, mangku nidau nanti maluan karnau kerjau kaba. Anyautu ajaghka nian ajaghan diau benaghtu.

YAKUBUS 1:15

Mangku amun serilau diau ja'attu dituruti, nimbul dusau. Mangku amun dusau la buasil, akibatau mati.

YAKUBUS 3:14

Anyautu amun kamu sengit, purik ngan merupuakka diriau ajau, titu nidau nanti dibanggaka, karnau ngan carau itu kamu ngubai ceritau diau benagh njadi sala.