YAKUBUS 1:17 - PEJANJIAN EMPAI CERITAU ILUAK

¹⁷ Gegalau enju'an diau iluak ngan diau sempernau datang jak di sergau, dienjuakka Allah diau njadika gegalau terang di langit. Diautu Allah diau nidau beghuba ngan nidau mbuat keleman, karnau nidau njawuhi kitau.

YAKUBUS 1:17 Referans Kwoze

YUHANIS 3:27

Yuhanis nimbal, kataunyau, “Sughang kia nidau pacak ngambiak tuapau-apau, amun nidau dienju'i Allah.

MATIUS 7:11

Amun kamu diau ja'at pacak ngenjuak diau iluak ngan anak kamu, apau lagi Bapak kamu diau di sergau! Diau ka ngenju'i setu diau iluak ngan jemau diau mintak ngan Diau.

IBRANI 13:8

Yesus Keristus nidau beghuba, empuak senitu empuak mbak kini enggut selelamaunyau.

YUHANIS 8:12

Mangku Yesus bekiciak agi ngan jemau banyaktu, katauNyau, “Akunila terang deniau. Jemau diau ngikut Aku, nidau ka bejalan di keleman, anyautu diau la bulia terang diau ngenjuakka idup.”

1 YUHANIS 1:5

Mangku inila ceritau diau la kami dengagh jak di Ana'Au diau pulau kami kiciakka ngan kamu, “Allah itu terang. Di Diau nidau bediau kelemanau.”

YAKUBUS 3:17

Anyautu jemau diau adau pengertian jak di sergau, diau penting sekali supayau jemautu tulus, mangku galak bedamai, galak begaul ngan belagham. Diau nyialka jemau nian ngan ngerjauka diau iluak, diau nidau mihak ngan nidau cak iluak.

IPISUS 2:8

Allah sayang nian ngan kamu. Karnau itu Diau nyelamatka kamu, karnau kamu percayau ngan Yesus. Keselamatan kamutu ukan karnau usaha kamu. Itu pengenjuak Allah,

LUKAS 11:13

Kinak luak itu, amun kamu jemau diau ja'at pacak ngenjuakka setu diau iluak ngan anak kamu, apau lagi Bapak kamu diau di sergau! Diau ka ngenjuakka Rua Allah ngan jemau diau mintak ngan Diau.”

1 KURINTUS 4:7

Sapau njadika kamu lebia jak di jemau lain? Apu ukan gegalaunyau diau adau di kamu kamu terimau? Ngapau kamu geduak, luak setu diau adau di kamutu ukan jak di Allah?

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

IPISUS 1:18

Aku mintak, supayau Diau mbukakka rupu'an kamu, mangku kamu ngerti setu diau kamu aghapka jak di Allah diau milia kamu. Mangku kamu keruan, bansau Allah kayau nian ngan serbau diau iluak diau disediaukaNyau batan endak umatAu.

YUHANIS 1:9

Terang diau sebenaghautu datang ke deniau nerangi gegalau manusiau.

PENGINA'AN 21:23

Mangku kutatu nidau merluka terang matau-aghi ngan bulan neranginyau, karnau keagungan Allah neranginyau ngan Anak Bebiritu njadi lampuau.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

PENGINA'AN 22:5

Malam nidau ka bediau agi di situ, mangku ughangtu nidau ka merluka terang lampu ngan terang matau-aghi, karnau Tuhan Allah ka nerangi ughangtu. Mangku ughangtu ka merinta luak rajau enggut selelamaunyau.

YAKUBUS 1:5

Amun adau jemau jak di kamu diau kurang bepengertian, jemautu mesti mintak ngan Allah, mangku Allah ka ngenjuakka pengertian ngan diau, karnau ngan bilang jemau Allah ngenjuak ngan riang, nidau ngungkit.

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

YAKUBUS 3:15

Pengertian luak itu ukan asalau jak di sergau. Diau asalau jak di deniau, jak di serilau manusiau, jak di iblis.

PILIPI 1:29

Karnau ngan kamu la dienjuakka setu diau iluak ukan ajau percayau ngan Keristus, tapitu pulau sengsarau batan endak Keristus.

RASUL 11:18

La udim ndengagh kici'annyautu, ughangtu mandak bebala, mangku ngagungka Allah kataunyau, “Amun luak itu, jemau ukan Yahudi pulau dienjuakka Allah masau ngubai jak di dusaunyau mangku bulia idup.”

RASUL 5:31

Diautu la ditinggika Allah di sebela kananAu, dijadikaNyau Penguasau ngan Rajau Penyelamat, supayau jemau Israil pacak ngubai ngan dusaunyau diabiska.

YUHANIS 3:3

Yesus bekatau, “KatauKu ini benagh: Amun jemau nidau ngulang dilahirka, diau nidau pacak njadi angguta umat Allah.”

1 TIMUTIUS 6:16

Diau sughang diau nidau pacak mati. Diau adau di terang diau besinagh nian diau nidau pacak dipasighi jemau. Sughang kia nidau kekela nginak Diau ngan nidau pacak ngina'Au. Diaula diregaui, kuasauNyau selelamaunyau! Amin.