TITUS 3:5 - PEJANJIAN EMPAI CERITAU ILUAK

⁵ Masau itu Diau nyelamatka kitau, ukan karnau kitau ngerjauka setu diau iluak, tapitu karnau Diau sayang ngan kitau. Diau nyelamatka kitau ngan carau mbasua kitau endak ngenjuakka idup diau empai. Titu dikerjauka Rua Allah

TITUS 3:5 Referans Kwoze

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

1 PITRUS 3:21

Gegalaunyautu umpamau baptisan diau mbak kini nyelamatka kamu. Baptisantu ukan batan endak mberesiaka badan jak di gegalaunyau diau kumua, anyautu njadi janji ngan Allah jak di ati keciak diau iluak. Baptisantu nyelamatka kamu, karnau Yesus Keristus la idup jak di mati

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

RUM 12:2

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

IPISUS 2:4

Anyautu Allah iluak nianan ngan kitau. Karnau Diau sayang tegalau,

IPISUS 5:26

Diau ngerjauka titu endak mberesiaka ughangtu ngan ajaghanNyau ngan ayiak baptisan, mangku pacak diseraka ngan Allah.

RUM 11:6

Diau milia ughangtu karnau keilu'anNyau, ukan karnau kerjau ughangtu. Amun Allah milia jemau nurut kerjaunyau, mangku keilu'an itu ukan keilu'an nian.

IBRANI 4:16

Karnau itu mela kitau beghani ngadap Allah diau iluak atiAu. Allahtu iluak ngan kitau ngan nyayangi kitau, mangku kitau ditulung, kebilau kitau merlukanyau.

KULUSI 3:10

Mbak kini kamu la adau idup empai. Kamu manusiau empai diau maju diempaika njadi luak gambaran Allah, mangku kamu keruan Allah luak Diau sebenaghau.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

RUM 3:20

Karnau nidau sughang kiala pacak dibenaghka di adapan Allah ngan jalan nuruti ukum Taurat. Ukum Taurattu cuman nyatauka manusiau jemau bedusau.

1 PITRUS 2:10

Senitu kamu ukan umat Allah, mbak kini kamu la njadi umat Allah. Senitu kamu nidau disialka Allah, mbak kini kamu la disayangiNyau.

IPISUS 4:23

Ati ngan rupu'an kamu mesti beghuba njadi empai galau.

RUM 3:28

Kami keruan, bansau jemau dibenaghka karnau percayau ngan Keristus ukan karnau ta'at ngan ukum Taurat.

RUM 9:11

Antak ka duau ana'autu adau, Allah la milia sughang. Pilian Allah nidau bepaut ngan kerjau manusiau, tapitu bepaut ngan kendak Allah, karnau masau itu duau ughangtu lum pacak ngerjauka tuapau-apau, apu diau iluak apu diau ja'at.

LUKAS 1:78

Karnau Allah iluak atiAu lagi penyayang, Diau ka datang nyelamatka kitau luak matau-aghi tumbua akap-akapan.

LUKAS 1:54

Diau nulung jemau Israil, karnau Diau teghingat janjiAu diau dikiciakkaNyau ngan niniak puyang kitau.

LUKAS 1:50

Jak di anak enggut ke enta-enta Allah sial ngan jemau diau takut ngan Diau.

TITUS 3:4

Anyautu Allah, Penyelamat kitau, nyayangi kitau, la nyatauka keilu'anNyau ngan kitau.

RUM 9:30

Amun luak itu, tuapau kesimpulan kitau? Tuapau pacak kitau kiciakka? Ini: bansau jemau bangsau lain diau nidau beusaha endak dibenaghka Allah, la dibenaghka karnau percayau.

RUM 9:16

Mangku pilian Allah nidau tepaut ngan kendak ngan kerjau jemau, tapitu ngan keilu'an Allah.

RUM 4:5

Anyautu amun adau jemau diau nidau ngandalka kerjaunyau, mangku diau percayau ngan Allah diau nyatauka jemau bedusau bibas jak di salahau, jemautu dibenaghka Allah karnau percayau.

LUKAS 1:72

Diau endak nginakka keilu'an atiAu ngan niniak puyang kitau. JanjiAu diau suci ka ditepatiNyau.

IBRANI 6:6

Mangku amun jemautu ngelipat, nidau ka adau diilu'i agi mangku ngubai jak di peremba'au, karnau diautu luluak makuka agi Anak Allah di kayu salip ngan mbuat Diau digelakka di mukau jemau banyak.

MATIUS 3:11

Aku mbaptis kamu ngan ayiak, tandau la betubat. Nanti ka datang Jemau diau lebia bekuasau jak di aku. Melegha'i tali sepatuAu ajau aku endiak pantas. Diau ka mbaptis kamu ngan Rua Allah ngan api.

RUM 11:14

Aghapanku, supayau bangsauku njadi sengit. Mangku ngan carau luak itu aku pacak nyelamatka separau jak di ughangtu.

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.