TITUS 3:14 - PEJANJIAN EMPAI CERITAU ILUAK

¹⁴ Jemau kitau mesti belajagh maju ngerjauka setu diau iluak, supayau pacak ncukupi setu diau enda'au diau penting. Mangku idup ughangtu begunau.

TITUS 3:14 Referans Kwoze

KULUSI 1:10

Mangku kamu pacak idup nurut kendak Allah ngan maju melemakka atiAu, mangku ngan tuapau kila kamu pacak ngerjauka diau iluak ngan tamba ngeruani setu diau benagh ceritau Allah.

TITUS 3:8

Kici'an itu benagh. Mangku aku endak, supayau kaba nekanka kici'antu, mangku jemau diau la percayau ngan Allah beusaha nian ngerjauka setu diau iluak. Itula diau iluak ngan begunau batan endak gegalau jemau.

PILIPI 1:11

Idup kamu ka dipenui ngan kerjau diau benagh diau cuman pacak dikerjauka Yesus Keristus. Mangku Allah diregaui ngan diagungka.

MATIUS 7:19

Bilang kayu diau nidau ngasilka bua diau iluak, cetau ditebang mangku dicapakka dalam api.

2 PITRUS 1:8

Amun gegalaunyautu adau galau di kamu, kamu nidau ka malas, mangku buasil ngan tamba ngeruani Tuhan kitau Yesus Keristus.

PILIPI 4:17

Ukan aku cuman endak nerimau pengenjuak. Diau aku endak, supayau kamu adau asil diau nguntungka kamu.

IPISUS 4:28

Jemau diau pemaling jangan agi maling. Diau mesti bekerjau nian, mangku bulia pengidupan diau benagh ngan pacak nulung jemau diau kurangan.

YUHANIS 15:16

Ukan kamuni diau milia Aku. Aku diau milia kamu. Aku ngajung kamu pegi ngan bebua banyak, bua diau ka ta'an. Mangku setu diau kamu pintak atas namauKu dienjuakka Bapak ngan kamu.

YUHANIS 15:8

Amun kamu bebua banyak, kamu njadi anak-buaKu nian. Ngan carau luak itu BapakKu diagungka.”

2 TESALUNIKA 3:8

Kami nidau makan makanan jemau ngan nidau dibayighi. Siang-malam kami bekerjau mbanting tulang, supayau kami jangan merugika sughang kia jak di kamu,

RASUL 20:35

Ngan gegalaunyautu aku la ngenjuakka penauan ngan kapu dighi, bansau ngan kerjau luak itula kitau mesti nulung jemau diau nidau kuat. Kitau mesti ngingatka katau Tuhan Yesus diau dikiciakkaNyautu, ‘Iluakla ngenjuak sangkan nerimau!’ ”

MATIUS 21:19

Diau nginak sebatang aghau di tepi jalan, dijengu'Au batang aghau itu. Diau nidau tekinak sebua kia buahau, cuman daunau ajau. Mangku Diau bekatau ngan batang aghautu, “Kaba nidau ka bebua agi selelamaunyau.” Mangku batang aghautu layu.

RASUL 18:3

Ughang duautu tukang kima semegi ngan Paulus. Karnau itu Paulus mendam di situ ngan bekerjau ngan ughangtu.

1 TESALUNIKA 2:9

Cengki kamu gi teghingat, luak manau kami bekerjau mati-matian. Siang-malam kami bekerjau, supayau kami nidau ngeriaka sughang kia jak di kamu, masau kami ngiciakka ceritau iluak jak di Allah itu ngan kamu.

RUM 15:28

Amun kerjaukuni la udim, la kuseraka tanci diau la ditunggalka ughangtu, aku ka bejalan ke Sepanyul, mangku lalu di guak kamu.

RUM 12:13

Tulungla kantin diau percayau diau nidau bediau tuapau-apau. Terimaula jemau di ghuma kamu ngan riang.

PILIPI 4:16

Masau aku di Tesalunika, la lebia sekali kamu ngighim tanci ngan aku.

TITUS 2:8

Kiciakkala katau diau bepengertian diau nidau pacak disalaka jemau, mangku lawan kaba maluan, karnau nidau bediau setu diau nidau iluak diau pacak ughangtu kiciakka ceritau kitau.