TITUS 2:13 - PEJANJIAN EMPAI CERITAU ILUAK

¹³ Mbak kini kitau dang nungguka aghi diau meriangka diau kitau ngaghapka itu. Aghitu deniau ka nginak keagungan Allah diau Mahabesak ngan Yesus Keristus, Rajau Penyelamat kitau.

TITUS 2:13 Referans Kwoze

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.

1 KURINTUS 1:7

Mangku kamu nidau kurang tuapau-apau pengenjuak Rua Allah, penarau kamu nunggu Tuhan kitau Yesus Keristus datang agi.

MATIUS 16:27

Karnau Anak Manusiau ka datang agi nanti ngan kuasau Bapa'Au, dikantini malaikat-malaikatAu. Masau itu Diau ka mbalas bilang jemau nurut kerjaunyau.

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

MARKUS 14:62

Yesus nimbal, “Akula Diau. Kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban jak di langit.”

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

2 PITRUS 3:18

Kamu mesti tamba meghasauka keilu'an Tuhan, Rajau Penyelamat kitau Yesus Keristus, ngan tamba ngeruani Diau. Tepujila Diau mbak kini enggut selelamaunyau. Amin.

2 KURINTUS 4:4

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

RUM 15:13

Allah itu bada kamu buaghap. Aku bedu'a, supayau Allah mbuat ati kamu riang ngan meghasau damai karnau kamu percayau, mangku ngan kuasau Rua Allah kamu ka tamba ngaghapka Diau.

RUM 5:5

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

2 PITRUS 1:1

Jak di Simun Pitrus, budak ngan rasul Yesus Keristus, batan endak jemau diau percayau semegi luak kami, karnau la dibenaghka Allah ngan Yesus Keristus, Rajau Penyelamat kitau.

1 PITRUS 1:7

Tujuan gegalaunyautu endak nguji iman kamu. Emas diau pacak ghemas diuji pulau ngan api. Beregaula iman kamu sangkan emas, mangku imantu mesti diuji pulau, supayau njadi tegua. Mangku kamu ka dipuji, diregaui ngan diagungka, amun Yesus Keristus datang agi.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

2 TIMUTIUS 4:1

Yesus Keristus ka datang agi ke deniau endak ngadili jemau diau idup ngan diau mati. Diau ka datang endak merinta luak rajau. Karnau itu aku mintak nian ngan kaba di adapan Allah ngan Yesus Keristus,

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

RASUL 24:15

Luak ughangtu pulau aku ngaghapka Allah, bansau gegalau jemau ka idup jak di mati, empuak jemau iluak empuak jemau ja'at.

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

PENGINA'AN 1:7

Kina'ila, Diau datang ngan aban! Gegalau matau ka nginak Diau ngan pulau jemau diau la nuja ngan mbunua Diau ngan gegalau bangsau diau adau di deniauni ka nangis berandaian karnau Diau. Nyela nian, amin!

TITUS 3:4

Anyautu Allah, Penyelamat kitau, nyayangi kitau, la nyatauka keilu'anNyau ngan kitau.

KULUSI 3:4

Idup diau ngenianau itu idup seghundak ngan Keristus. Mangku amun Keristus datang nanti, kamu ka adau ngan Diau dalam keagunganNyau.

KULUSI 1:23

Karnau itu kamu mesti maju percayau ngan tegua, jangan sampai ninggalka aghapan diau dienjuakka ngan kamu, masau kamu ndengagh ceritau iluak. Ceritau itu la dikiciakka ngan gegalau deniau. Batan endak itula aku, Paulus, bekerjau.

1 YUHANIS 4:14

Kami la nginak Anak Allah, mangku kami ngiciakka ngan jemau lain, bansau Diau diajung Allah Bapak njadi Rajau Penyelamat deniauni.

KULUSI 1:5

Kamu ngerjauka titu, karnau kamu ngaghapka setu diau disediauka Allah batan endak kamu di sergau. Kamu la ndengagh titu, masau ceritau iluak diau benagh dikiciakka ngan kamu.

MATIUS 26:64

Yesus nimbal, “Dighitu la ngiciakkanyau. Anyautu percayaula, mulai mbak kini kapu dighi ka nginak Anak Manusiau duduak di sebela kanan Allah diau Mahakuasau mangku datang ngan aban di langit.”

MATIUS 25:31

“Amun Anak Manusiau datang luak Rajau dikantini gegalau malaikat, mangku Diau ka duduak di bada duduak rajau diau agungtu.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

2 TESALUNIKA 2:8

Jemau ja'attu kina'an. Mangku amun Tuhan Yesus datang, Diau ka mbunua Jemau Ja'attu ngan nyawau jak di mulutAu, Diau ka mbenasaukanyau ngan keagunganNyau.

KULUSI 1:27

Allah endak, supayau ughangtu keruan ceritau diau diresiaukaNyautu iluak ngan agung nian batan endak gegalau manusiau. Resiaunyau ini: Keristus adau di ati kamu, mangku kamu adau aghapan bulia ngikut meghasauka keagunganNyau.

RUM 8:18

Aku keruan, bansau penanggungan kitau mbak kini nidau pacak dibandingka ngan keagungan diau ka diancakka ngan kitau nanti.

1 TIMUTIUS 1:1

Jak di aku, Paulus. Aku njadi rasul Yesus Keristus karnau perinta Allah, Penyelamat kitau, ngan Yesus Keristus diau njadi aghapan kitau.

2 TIMUTIUS 1:2

batan endak Timutius diau kusayangi luak anakku. Aku bedu'a, supayau Allah Bapak ngan Tuhan kitau Yesus Keristus sayang ngan iluak ngan kaba ngan ngenjuakka damai.

TITUS 1:4

Batan endak Titus diau njadi anakku nian karnau semegi percayau ngan Keristus. Aku bedu'a, supayau Allah Bapak ngan Yesus Keristus, Rajau Penyelamat kitau, iluak nian ngan kaba ngan ngenjuakka damai.

YUDAS 1:21

Jagauila diri kamu, mangku kamu nidau nyimpang jak di sayang Allah, sampai nungguka Tuhan kitau Yesus Keristus ngenjuakka ngan kamu idup selelamaunyau, karnau Diau iluak nian.