TITUS 1:9 - PEJANJIAN EMPAI CERITAU ILUAK

⁹ Diau mesti bepaut ngan ajaghan diau benagh luak la diajaghka, mangku diau pacak ngajagh jemau nurut ajaghantu ngan pacak ngiciakka sala jemau diau melawan.

TITUS 1:9 Referans Kwoze

2 TESALUNIKA 2:15

Karnau itu majula percayau ngan maju nuruti ajaghan diau la kami ajaghka ngan kamu, empuak diau kami kiciakka, empuak diau kami tuliska.

2 TIMUTIUS 1:13

Ikutila nian ajaghan diau benagh diau la kaba dengagh jak di aku. Kerjaukala gegalaunyautu ngan maju percayau ngan sayang diau adau di kitau karnau seghundak ngan Yesus Keristus.

1 TIMUTIUS 6:3

Amun adau jemau diau ngajaghka ajaghan diau lain ngan nidau tetuju ngan ajaghan diau benagh jak di Tuhan kitau Yesus Keristus ngan nidau pulau tetuju ngan ajaghan agamau kitau,

1 TIMUTIUS 1:10

jemau menaugawia, jemau sangi ribangka selanangan, jemau maling jemau, pembu'ung, jemau galak besumpa, ngan sapau kila diau ngerjauka setu diau belawanan ngan ajaghan diau benagh.

PENGINA'AN 3:3

Mangku ingatkala setu diau la diajaghka ngan kaba ngan setu diau la kaba dengagh, mangku ta'atila itu ngan ubaila jak di perembak kaba! Amun nidau, Aku ka datang luak pemaling. Kaba nidau ka keruan, kebilau masaunyau Aku datang njenguak kaba.

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

TITUS 2:1

Anyautu kaba ajaghkala setu diau benagh.

TITUS 1:11

Jemau diau luak itu mesti ditukup mulutau, karnau ughangtu ngacauka banyak ghuma-tanggau ngan ngajaghka diau nidau-nidau endak bulia untung diau nidau pantas.

2 TIMUTIUS 4:3

Karnau ka sampai masaunyau jemau nidau endak agi nerimau ajaghan diau benagh. Anyautu ughangtu ka nunggalka banyak guru nurut kendak ughang itula endak diajagh setu diau lemak didengagh.

1 TESALUNIKA 5:21

Keruanila gegalaunyau, diau iluak mesti diikuti.

PENGINA'AN 3:11

Aku gancang datang. Jagauila iluak-iluak setu diau adau di kaba, mangku nidau sughang kia ngambiak adia kaba menang.

PENGINA'AN 2:25

Anyautu setu diau la adau di kamu ta'ankala enggut Aku datang.

YUDAS 1:3

Kantin-kantinku diau kusayangi. Aku endak nian nulis ngan kamu ceritau selamat diau la kitau alami galau. Anyautu mbak kini aku terupuak nuliska ini endak neguaka kamu, mangku kamu maju beusaha batan endak ajaghan diau benagh diau la dienjuakka Allah ngan umatAu.

2 TIMUTIUS 2:25

ngajaghi jemau diau galak melawan. Asauku Tuhan endak nulung, mangku jemautu ngubai jak di peremba'au ngan keruan ajaghan diau benagh.

2 TIMUTIUS 2:2

Ajaghan diau la kaba dengagh jak di aku di mukau jemau banyak mesti kaba percayauka ngan jemau diau pacak dipercayaui ngan cakap ngajagh jemau.

1 TIMUTIUS 4:9

Kici'an itu benagh ngan pantas dipercayaui nian.

1 TIMUTIUS 1:19

Bejuangla ngan percayau ngan Keristus ngan ati diau beresia. Adau jemau diau nidau nyanauka suarau ati keci'au, mangku iman ughangtu kacau.

RASUL 18:28

Karnau ngan kuasau diau ngiciak di mukau jemau banyak, nyalaka jemau Yahudi ngan mbuktika, mbak bansau Yesusla Mesias, Rajau Penyelamat.

1 KURINTUS 14:24

Anyautu amun gegalau kamu ngiciakka katau Allah, mangku datang jemau diau nidau terti ngan jemau diau nidau percayau, jemautu ka nyadari dusaunyau ngan diukum karnau gegalaunyau diau didengaghautu.

2 TIMUTIUS 3:14

Anyautu kaba mesti maju nuruti ajaghan diau benagh diau la diajaghka ngan kaba diau kaba percayaui nian, karnau keruan sapau guru kaba.